تحریک انصاف نے آصف زرداری کے خلاف سندھ اسمبلی میں مذمتی قرارداد جمع کرادی

پیر 19 فروری 2018 20:25

کراچی(اُردو پوائنٹ اخبارتازہ ترین - آن لائن۔ 19 فروری2018ء) راؤانوار کو بہادر بچہ کہنے پر تحریک انصاف نے آصف زرداری کے خلاف سندھ اسمبلی میں مذمتی قرارداد جمع کرادی ہے۔

(جاری ہے)

تفصیلات کے مطابق پاکستان تحریک انصاف کے سندھ اسمبلی میں پارلیمانی لیڈر خرم شیرزمان نے آصف زرداری کے متناذعہ بیان کے خلاف سندھ اسمبلی میں مذمتی قرار داد جمع کرادی ہے ،قرارداد میں کہا گیا ہے کہ آصف زرداری کے راؤانوارسے متعلق متنازعہ بیان کی مذمت کرتے ہیں ،آصف زرداری راؤانوار کی حمایت سے متعلق اپنے بیان پر قوم سے معافی مانگیں ۔

واضح رہے کہ پاکستان پیپلزپارٹی کے شریک چیئرمین آصف علی زرداری نے نجی ٹی وی چینل کو دئے گئے اپنے ایک انٹرویو میں نقیب محسود قتل کیس میں مفرور سابق ایس ایس پی ملیر راؤانوار کو بہادر بچہ قراردیا تھا۔انہوں نے مزید کہا تھاکہ راؤانوار کسی بیگناہ کو قتل نہیں کرسکتا ،نقیب قتل کیس کو میڈیا نے ذیادہ ہوا دی ہے۔واقعے کی از سر نو تحقیقات کی جائیں ۔