ایم کیوایم پاکستان کی رابطہ کمیٹی نے تنظیمی نظم و ضبط کی سنگین خلاف ورزی پر حیدرآباد زونل کمیٹی کو تحلیل کردیا

اتوار 18 فروری 2018 21:40

کراچی (اُردو پوائنٹ اخبارتازہ ترین - این این آئی۔ 18 فروری2018ء) متحدہ قومی موومنٹ پاکستان کی رابطہ کمیٹی نے تنظیمی نظم و ضبط کی سنگین خلاف ورزی پر ایم کیوایم حیدرآباد زونل کمیٹی کو تحلیل کردیا ہے ۔

(جاری ہے)

حیدرآباد زونل کمیٹی کو تحلیل کرنے کا فیصلہ ایم کیوایم پاکستان کے عارضی مرکز واقع بہادر آباد میں رابطہ کمیٹی کے اہم اجلاس میں کیا گیا۔ رابطہ کمیٹی نے ایم کیویم پاکستان کے تمام ذمہ داران و کارکنان کو ہدایت کی ہے کہ وہ تحلیل شدہ حیدرآباد زونل کمیٹی سے کسی قسم کا رابطہ نہ رکھیں اوراس ضمن میں ایم کیوایم سندھ تنظیمی کمیٹی کے انچارج مسعود محمود سے بہادر آباد مرکز پر رابطہ میں رہیں۔