آزادکشمیر کی باغیرت عوام فاروق حیدر کے اس فیصلے کی پشت پر ہیں‘راجہ امداد علی طارق

اتوار 18 فروری 2018 15:10

مظفرآباد(اُردو پوائنٹ اخبارتازہ ترین - این این آئی۔ 18 فروری2018ء)مسلم لیگ ن آزادکشمیر کے ممبرمرکزی مجلس عاملہ راجہ امداد علی طارق نے کہا ہے کہ کشمیر کونسل خاتمہ کیلئے وزیراعظم راجہ فاروق حید رخان کی مکمل حمایت کرتے ہیں،آزادکشمیر کی باغیرت عوام فاروق حیدر کے اس فیصلے کی پشت پر ہیں،چوہدری یاسین فرد واحد ہیں جو اپنی ذاتی انا کی تسکین کیلئے قومی مفاد کے خلاف بات کر رہے ہیں جس کی کوئی حیثیت نہیں گزشتہ روز صحافیوں سے گفتگو کرتے ہوئے سابق امیدوار اسمبلی حلقہ دو لچھراٹ نے کہا کہ فاروق حیدر نے ختم نبوت کیلئے قانون سازی کرکے سترسالہ دیرینہ مسئلہ حل کر دیا ہے اور اب ریاستی تشخص کی خاطر ایکٹ 74میں ترامیم بھی انشاء اللہ ہو کر رہیں گی۔

موجودہ اپوزیشن نے ہمیشہ عوام کو دھوکہ دیاپیپلزپارٹی نے اپنے دور میں کشمیر کونسل کی مخالفت کی اور اب اپوزیشن میں اس کی حمایت کر رہی ہے دیگر جماعتوں نے حکومت کے اس اقدام کی مکمل حمایت کی ہے اور پوری مسلم لیگ ن وزیراعظم کی پشت پر ہے۔

(جاری ہے)

فاروق حیدر کے اقدامات سے ریاست میں خوشحالی ترقی آئے گی اور یہ بات چوہدری یاسین کو گوارہ نہیں جس پر افسوس ہی کیا جاسکتا ہے انہوں نے کہا کہ فاروق حیدر نے اداروں کو مضبوط کیا پی ایس سی ،این ٹی ایس ،عدلیہ اصلاحات سمیت ملازمین کے مسائل حل کیے ماضی میں اس کی مثال نہیں ملتی ہمیشہ ملازمین کو تنگ کیا گیا ان کا حق مارا گیا مگر اب ملازمین کو ان کے حقوق مل رہے ہیں اور آزادکشمیر کے عوام کو ان کے آئینی حقوق جلد ملنے والے ہیں۔

Facebook Twitter Google + Share on Whatsapp

آزادکشمیر کی باغیرت عوام فاروق حیدر کے اس فیصلے کی پشت پر ہیں‘راجہ امداد علی طارق

مزید اہم خبریں