کراچی ،ْڈیری فارمز مالکان کا بھینسوں کیساتھ احتجاج، پولیس کی شیلنگ اور لاٹھی چارج ،ْمتعدد زخمی

جمعرات 15 فروری 2018 16:30

کراچی(اُردو پوائنٹ اخبارتازہ ترین - این این آئی۔ 15 فروری2018ء) کراچی میں بھینس کالونی کے قریب ڈیری اینڈ کیٹل فارم ایسوسی ایشن کا بھینسوں کے ہمراہ مظاہرہ، ٹریفک کی روانی متاثر ہونے کے بعد پولیس نے نیشنل ہائی وے پر مظاہرین کے خلاف کریک ڈاون کرتے ہوئے آنسو گیس کی شیلنگ ، ہوائی فائرنگ اور لاٹھی چارج کیا۔ذرائع کے مطابق دودھ کی قیمتوں میں اضافے کیلئے کیے جانے والے احتجاج میں مظاہرین نے نیشنل ہائی وے اسٹیل ٹاون سے ملیر جانے والا ٹریک بلاک کر دیا۔

(جاری ہے)

مظاہرین احتجاج میں بھینسیں بھی اپنے ساتھ لے کر آئے تھے۔اس موقع پر بھینس کالونی میں احتجاج کے دوران پولیس کارروائی کے بعد بھگدڑ مچ گئی، مظاہرین اپنی موٹر سائیکلیں اور بھینسیں چھوڑ کر فرار ہوگئے۔ دوسری جانب حیدرآباد میں بھی دودھ کی قیمتوں میں اضافے کے لیے دودھ فروش اور فارمز مالکان کا احتجاج جاری ہے۔واضح رہے کہ سپریم کورٹ نے ملک بھر میں دودھ کی پیداوارکے لیے بھینسوں کو ٹیکے لگانے پر پابندی عائد کی رکھی ہے، جس کے بعد دودھ کی قیمتوں میں اضافے کے لیے یہ احتجاج کیا جارہا تھا۔