لاہور میں جی سی یونیورسٹی کے پروفیسرڈکیتی میں مزاحمت کے دوران ہلاک
تازہ ترین : 1

لاہور میں جی سی یونیورسٹی کے پروفیسرڈکیتی میں مزاحمت کے دوران ہلاک

لاہور میں جی سی یونیورسٹی کے پروفیسرڈکیتی میں مزاحمت کے دوران ہلاک
لاہور(اردوپوائنٹ اخبارتازہ ترین-انٹرنیشنل پریس ایجنسی۔14 فروری۔2018ء) لاہور کے علاقے کلمہ چوک میں دوران ڈکیتی مزاحمت پر فائرنگ سے جی سی یونیورسٹی لاہورکا پروفیسر جاں بحق ہوگیا ہے-وزیر اعلیٰ شہباز شریف نے واقعہ کا نوٹس لیتے ہوئے سی سی پی او لاہور سے رپورٹ طلب کر لی ہے۔تفصیلات کے مطابق پروفیسر اکبر چیمہ کو کلمہ چوک پر ڈاکوﺅں نے لوٹ مار کے لئے روکا،اس دوران مزاحمت پر ڈاکوﺅں نے فائرنگ کردی، اکبر چیمہ کو دو گولیاں لگیں جس میں ایک ٹانگ پر جبکہ دوسری سینے میں لگی، فائرنگ کے بعد ڈاکو موقع سے فرار ہوگئے۔

پروفیسر تنظیم اکبر چیمہ کو فوری طور پرزخمی حالت میں جناح ہسپتال منتقل کیا گیا لیکن خون زیادہ بہہ جانے کے باعث وہ جانبر نہ ہو سکے۔ذرائع کے مطابق تنظیم اکبر چیمہ جی سی یونیورسٹی میں شعبہ باٹنی کے پروفیسر تھے۔ مقتول کی لاش کو پوسٹمارٹم کیلئے مردہ خانے منتقل کردیا گیا۔ گلبرگ پولیس نے نامعلوم افراد کے خلاف مقدمہ درج کر کے واقعے کی تحقیقات کا آغاز کردیا ہے۔وزیراعلیٰ پنجاب محمد شہبازشریف کا کلمہ چوک کے قریب جی سی یونیورسٹی کے پروفیسر کے قتل کے واقعہ کا نوٹس لیتے ہوئے سی سی پی او سے رپورٹ طلب کرلی ہے۔

مزید متعلقہ خبریں پڑھئیے‎ :

وقت اشاعت : 14/02/2018 - 14:16:01

اس خبر پر آپ کی رائے‎

متعلقہ عنوان :