قومی ڈس ایبلڈ ٹی20- کرکٹ چیمپئن شپ میں (آج) مزید چار میچ کھیلے جائیں گے

بدھ 14 فروری 2018 10:40

اسلام آباد ۔ (اُردو پوائنٹ اخبارتازہ ترین - اے پی پی۔ 14 فروری2018ء) چھٹی قومی ڈس ایبلڈ ٹی20- کرکٹ چیمپئن شپ کے دوسرے مرحلے میں (آج) جمعرات کو مزید چار میچ کھیلے جائیں گے۔ تفصیلات کے مطابق نیشنل گرائونڈ پر پہلا میچ آزاد جموں و کشمیر کا مقابلہ فاٹا سے ہوگا جبکہ دوسرے میچ میں اسلام آباد اور لاہور کی ٹیمیں مدمقابل ہونگی۔

(جاری ہے)

ڈائمنڈ گرائونڈ پر پہلا میچ پشاور اور سیالکوٹ کی ٹیموں کے درمیان کھیلا جائے گا جبکہ دوسرے میچ میں راولپنڈی اور ایبٹ آباد کی ٹیمیں آمنے سامنے ہونگی۔

چیمپئن شپ کے سیمی فائنلز (کل) جمعہ کو پنڈی کرکٹ سٹیڈیم میں کھیلے جائیں گے جبکہ فائنل میچ کراچی میں ہوگا، دوسرے مرحلے میں آٹھ ٹیمیں حصہ لے رہی ہیں جن میں آزاد جموں و کشمیر، فاٹا، اسلام آباد، لاہور ، پشاور، سیالکوٹ، راولپنڈی اور ایبٹ آباد شامل ہیں۔ پہلا مرحلہ کراچی میں کھیلا جا سکا ہے جس میں بھی آٹھ ٹیموں نے حصہ لیا تھا جن میں کراچی، فیصل آباد، کوئٹہ، بہاولپور، ملتان، حیدرآباد، کوئٹہ بیلو اور سرگودھا شامل تھیں۔

Facebook Twitter Google + Share on Whatsapp

قومی ڈس ایبلڈ ٹی20- کرکٹ چیمپئن شپ میں (آج) مزید چار میچ کھیلے جائیں گے

متعلقہ عنوان :

مزید کھیلوں کی خبریں