ہالینڈ کے وزیر خارجہ روسی صدر سے ملاقات بارے غلط بیانی پر مستعفی

بدھ 14 فروری 2018 10:30

ایمسٹرڈیم ۔ (اُردو پوائنٹ اخبارتازہ ترین - اے پی پی۔ 14 فروری2018ء) ہالینڈ کے وزیر خارجہ ہالبے زائسترا نے اپنا منصب سنبھالنے کے چار ماہ بعد اپنے عہدے سے استعفیٰ دے دیا ۔

(جاری ہے)

ہالینڈکے ذرائع ابلاغ کے مطابق یہ استعفیٰ ان کی طرف سے اس اعتراف کے بعد سامنے آیا ہے کہ انہوں نے روسی صدر ولادیمیر پیوٹن کے ساتھ 2006ء میں ہونے والی ایک ملاقات کے دوران موجود ہونے کے بارے میں غلط بیانی سے کام لیا تھا۔ پارلیمان کے ہنگامی اجلاس کے دوران زائسترے نے نمناک آنکھوں کے ساتھ کہا کہ ان کے پاس اس کے علاوہ اور کوئی راستہ نہیں ہے کہ وہ اپنا استعفیٰ بادشاہ کے حوالے کر دیں۔ وہ چند گھنٹوں بعد ماسکو کے ایک سرکاری دورے پر روانہ ہونے والے تھے۔

Facebook Twitter Google + Share on Whatsapp

ہالینڈ کے وزیر خارجہ روسی صدر سے ملاقات بارے غلط بیانی پر مستعفی

متعلقہ عنوان :

مزید بین الاقوامی خبریں