نیب ملک سے بدعنوانی کے خاتمہ کیلئے کام کرنیوالا سب سے بڑا ادارہ ہے ، کرپشن فری پاکستان ہماری اولین ترجیح ہے، جسٹس جاوید اقبال
نیب کے تمام ڈی جیز پبلک سیکٹر ڈیپارٹمنٹس کے 50 ملین روپے یا اس سے زائد رقم کے تمام کنٹریکٹس کی کاپی سکروٹنی اور جائزہ کیلئے نیب میں جمع کرانے کو یقینی بنائیں،افسران پہلے سے زیادہ محنت، لگن، میرٹ اور شفافیت کے فروغ کیلئے اپنی تمام تر صلاحیتیں بروئے کار لائیں اس سے ان کی عزت ،ادارہ کے وقار میں اضافہ ہوگا، چیئرمین نیب کا اجلاس سے خطاب
منگل 13 فروری 2018 20:37
(جاری ہے)
چیئرمین نیب نے کہا کہ نیب ملک سے بدعنوانی کے خاتمہ کیلئے کام کرنے والا ملک کا سب سے بڑا ادارہ ہے ، کرپشن فری پاکستان ہماری اولین ترجیح ہے۔ انہوں نے کہا کہ نیب کے قانون کی شق 33-C کے تحت نیب جہاں عوام کو بدعنوانی کے ملکی ترقی اور خوشحالی پر مضر اثرات سے آگاہی فراہم کرتا ہے وہاں نیب کے قانون کی شق 33-B کے تحت تمام وفاقی اور تمام صوبائی پبلک سیکٹر ڈیپارٹمنٹس کی ذمہ داری ہے کہ وہ نیب کو 50 ملین روپے سے یا اس سے زائد رقم کے کنٹریکٹس بشمول پروکیومنٹس، فزیبلٹی رپورٹ، ٹینڈرز اور ٹھیکوں کی تفصیلات پر مشتمل کنٹریکٹ نیب کو جمع کرائے۔
اس ضمن میں نیب کے قانون کی شق 33-B کے تحت وفاقی اور تمام صوبائی پبلک سیکٹر ڈیپارٹمنٹس کے 50 ملین روپے اور اس سے زائد رقم کے تمام کنٹریکٹس کی سکروٹنی اور جائزہ لینے کا مجاز ادارہ ہے، اس سے نہ صرف تمام پراجیکٹس کے کنٹریکٹس میں پیپرا رولز اور دیگر قواعد و ضوابط کی پابندی کو یقینی بنانے میں مدد ملے گی بلکہ قومی خزانہ پر بوجھ میں کمی کے علاوہ میرٹ، شفافیت اور قومی خزانہ کے نقصان کو قبل ازوقت بچانے میں مدد ملے گی۔ اس کے علاوہ معاشرہ میں مقابلے، یکساں اور قانون کے مطابق تمام پبلک سیکٹر ڈیپارٹمنٹس کے منصوبوں کو پایہ تکمیل تک پہنچانے میں مدد ملے گی۔ چیئرمین نیب نے بعض پبلک سیکٹر ڈیپارٹمنٹس کی طرف سے 50 ملین روپے یا اس سے زائد رقم کے کنٹریکٹس بشمول پروکیومنٹس ٹینڈرز اور ٹھیکوں کی تفصیلات پر مشتمل کنٹریکٹس نیب کو جمع نہ کرانے کا سخت نوٹس لیتے ہوئے ہدایت کی کہ نیب کے تمام ڈی جیز اس بات کو یقینی بنائیں کہ پبلک سیکٹر ڈیپارٹمنٹس کے 50 ملین روپے یا اس سے زائد رقم کے تمام کنٹریکٹس کی کاپی سکروٹنی اور جائزہ کیلئے نیب میں جمع کرائی جائے گی، عدم فراہمی اور عدم تعاون کی صورت میں مذکورہ پبلک سیکتر ڈیپارٹمنٹ کے متعلقہ افسران کے خلاف قانون کے مطابق کارروائی عمل میں لائی جائے گی۔ انہوں نے نیب افسران کو ہدایت کی کہ وہ پہلے سے زیادہ محنت، لگن، میرٹ اور شفافیت کے فروغ کیلئے اپنی تمام تر صلاحیتیں بروئے کار لائیں اس سے نہ صرف ان کی عزت میں اضافہ ہو گا بلکہ ادارہ کے وقار میں اضافہ کا سبب بنے گا۔مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.