لیسکو نے پاکستان الیکٹرک پاور کمپنی کی ٹرانسفر پالیسی نظرانداز کر دی

تین سال سے زائد عرصہ تک ایک ہی پوسٹ پر تعینات افسران کو سیاسی پشت پناہی اور سفارشوں کی وجہ سے تبدیل نہ کرنے کا انکشاف

منگل 13 فروری 2018 20:10

لاہور(اُردو پوائنٹ اخبارتازہ ترین - آئی این پی۔ 13 فروری2018ء) لیسکو نے پاکستان الیکٹرک پاور کمپنی کی ٹرانسفر پالیسی نظرانداز کر دی، تین سال سے زائد عرصہ تک ایک ہی پوسٹ پر تعینات افسران کو سیاسی پشت پناہی اور سفارشوں کی وجہ سے تبدیل نہ کیے جانیکا انکشاف۔

(جاری ہے)

تفصیلات کے مطابق لیسکو نے پاکستان الیکٹرک پاور کمپنی کی ٹرانسفر پالیسی کو نظرانداز کر دیا ہے، پیپکو کی پالیسی کے مطابق تین سال سے زائد عرصہ تک تعینات افسران کو تبدیل نہ کیا جا سکا، تیس جنوری کو پیپکو نے لیسکو کو افسران کو تبدیل کرنے کا حکم دیا تھا، اور افسران کو تبدیل کرنے کے لئے پیپکو نے ٹرانسفر پالیسی کا نوٹیفکیشن بھی جاری کیا تھا، نوٹیفکیشن کے ذریعے لیسکو چیف اور ڈائریکٹر ایچ آر سے افسران کو تبدیل کر کے سات روز میں رپورٹ طلب کی تھی، سات کی بجائے بارہ روز گزرنے کے باوجود افسران کو تبدیل نہیں کیا ذرائع نے بتایا کہ سیاسی پشت پناہی اور سفارشوں کی وجہ سے لیسکو پالیسی پر عملدرآمد نہ کر سکی، کمپنی کے پلاننگ اینڈ ڈویلپمنٹ، ڈویلپمنٹ، جی ایس سی ، میٹریل مینجمنٹ اور فنانس سمیت دیگر شعبہ جات میں افسران ایک ہی پوسٹ پر سالہا سال سے براجمان ہیں، تاہم ان کو تبدیل نہیں کیا جا سکا۔