وزیراعظم کے برآمداتی شعبہ کیلئے 180 ارب روپے مراعاتی پیکیج کے مثبت نتائج برآمد ہوئے
حکومت مذکورہ پیکیج کو مالی سال برائے 2018-19ء تک توسیع دے ،شیخ عامر وحید
منگل 13 فروری 2018 18:38
(جاری ہے)
انہوں نے کہا کہ وزیراعظم کے 180ارب روپے کے مراعاتی پیکیج نے برآمدات کو بحال کرنے میں مثبت کردار ادا کیا ہے لہذا حکومت اس پیکیج کو 2018-19ء تک توسیع دے جس سے ہماری برآمدات کو بہتر فروغ ملے گا۔
انہوں نے مزید کہا کہ مذکورہ مراعاتی پیکیج کے دائرہ کار کو ٹیکسٹائل کے علاوہ دیگر شعبوں تک بھی بڑھایا جائے تا کہ دیگر شعبے بھی اس سے استفادہ کر سکیں۔ انہوں نے کہا کہ 2013ء سے اب تک عالمی برآمدات میں پاکستان کا حصہ 19فیصد کم ہوا ہے جس سے اندازہ لگایا جا سکتا ہے کہ برآمدات کے فروغ کیلئے بہتر منصوبہ بندی نہیں کی گئی۔ انہوں نے کہا کہ پاکستان کی برآمدات ٹیکسٹائل سمیت چند مصنوعات پر مشتمل ہیںجبکہ ہماری برآمدات کا ہدف بھی صرف چند مخصوص ممالک ہیں جس وجہ سے ملکی برآمدات میں خاطر خواہ اضافہ نہیں ہو سکا۔ انہوں نے اس بات پر زور دیا کہ حکومت برآمدات کیلئے صرف ٹیکسٹائل، آلات جراحی اور کھیلوں کے سامان سمیت چند مصنوعات پر انحصار کرنے کی بجائے فارماسوٹیکلز، انجینئرنگ گڈز اور انفارمیشن و کمیونیکیشن ٹیکنالوجی کی مصنوعات کی برآمدات پر زیادہ توجہ دے جس سے ہماری برآمدات میں کئی گنا اضافہ ہو گا۔ شیخ عامر وحید نے کہا کہ پاکستان جن مصنوعات کی برآمدات کر رہا ہے وہ زیادہ تر کم قیمت والی ہوتی ہیں کیونکہ پاکستان کی ٹاپ 30برآمدات کی اوسط قیمت چین، ترکی، جنوبی کوریا اور انڈیا کی برآمدات کی اوسط قیمت سے تقریباً 40 فیصد کم ہوتی ہے لہذا انہوں نے اس بات پر زور دیا کہ حکومت اعلیٰ ٹیکنالوجی والی مصنوعات کی برآمدات کو فروغ دینے کیلئے زیادہ کوشش کرے جس سے ملک کے زرمبادلہ کے ذخائر میں تیزی سے اضافہ گا ہے۔ اسلام آباد چیمبر آف کامرس اینڈ انڈسٹری کے سینئر نائب صدر محمد نوید اور نائب صدر نثار مرزا نے کہا کہ برآمداتی شعبے کو درپیش مختلف مسائل کی وجہ سے سرمایہ کار رئیل اسٹیٹ، سٹاک مارکیٹ اور توانائی شعبے میں سرمایہ کاری کرنے کو ترجیح دیتے ہیں کیونکہ ان شعبوں میں ان کو زیادہ منافع حاصل ہوتا ہے لہذا انہوںنے اس بات پر زور دیا کہ حکومت برآمداتی شعبے کے تمام مسائل کو ترجیحی بنیادوں پر حل کرے اور برآمداتی شعبے کو سرمایہ کاروں کیلئے زیادہ سے زیادہ پرکشش بنانے کیلئے تمام مطلوبہ اقدامات اٹھائے جس سے اس شعبے میں ملکی و غیر ملکی سرمایہ کاری کو بہتر فروغ ملے گا اور برآمداتی شعبہ معیشت کی ترقی میں کلیدی کردار ادا کرنے کے قابل ہو گا۔متعلقہ عنوان :
مزید تجارتی خبریں
-
پاکستان سٹاک ایکسچینج میں 137 پوائنٹس کی کمی
-
فیصل بینک اور صحت کہانی کا ہیلتھ کیئرمنظرنامے میں تبدیلی کیلئے اشتراک
-
اسٹیٹ بینک کے زرمبادلہ کے ذخائر میں 40 لاکھ ڈالر کا اضافہ
-
برائلر گوشت کی قیمت مستحکم ، فارمی انڈے مہنگے
-
انٹر بینک میں پاکستانی روپیہ ڈالر کے سامنے ڈٹا رہا جبکہ اوپن مارکیٹ میں روپیہ نے ڈالر کی قدر کو گرا دیا
-
سونے کی قیمتوں میں اضافے کا رجحان برقرار
-
سونے کی عالمی ومقامی قیمتوں میں اضافہ
-
پاکستان سٹاک ایکسچینج میں تیزی ،ہنڈرڈانڈیکس نے67 ہزارکی حدعبورکرلی
-
دریائوں اور آبی ذخیروں میں پانی کی صورتحال
-
بجلی چوروں کے خلاف آپریشن جاری،24گھنٹوں کے دوران مزید390افراد بجلی چور پکڑ ے گئے
-
اٹلی میں کام کرنے والے پاکستانیوں کی ترسیلات زرمیں سالانہ بنیادوں پر16.4 فیصدکی نموریکارڈ
-
برائلر گوشت کی قیمت میں15روپے کلو اضافہ، فارمی انڈے بھی مہنگے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.