بھارت نے مہم جوئی کی غلطی کی تو اسی کی زبان میں جواب دیں گے ،ْپاکستان
تازہ ترین : 1

بھارت نے مہم جوئی کی غلطی کی تو اسی کی زبان میں جواب دیں گے ،ْپاکستان

بھارت کو بغیر کسی ثبوت کے الزامات لگانے کے بجائے پاکستان مخالف ریاستی اسپانسر جاسوسی کا جواب دینا چاہیے ،ْوزارت دفاع پاک فوج ہر طرح کی جارحیت سے نمٹنے اور ملکی سالمیت کے دفاع کے لیے بھرپور انداز میں تیار ہے ،ْ بیان

اسلام آباد (اُردو پوائنٹ اخبارتازہ ترین۔ 13 فروری2018ء)وزارتِ دفاع کی جانب واضح کیا گیا ہے کہ اگر بھارت نے پاکستان کے ساتھ کسی بھی طرح کی جارحیت کرنے کی کوشش کی تو اسے اسی کی زبان میں جواب دیا جائے گا۔وزارتِ دفاع کی جانب سے جاری بیان میں کہا گیا کہ اگر بھارت کو اس کے خیال، پیمانے اور جگہ سے قطع نظر کسی بھی جارحیت، غلط اندازے یا مہم جوئی کی صورت میں بھرپور جوابی کارروائی کا سامنا کرنا پڑے گا۔

وزارتِ دفاع کی جانب سے جاری بیان میں کہا گیا کہ بھارت کو اسلام آباد پر بغیر کسی ثبوت کے الزامات لگانے کے بجائے پاکستان مخالف ریاستی اسپانسر جاسوسی کا جواب دینا چاہیے۔بیان میں کہا گیا کہ دنیا کے سامنے بلوچستان سے گرفتار ہونے والا ’را‘ کا افسر کلبھوشن یادیو زندہ ثبوت ہے۔سمجھوتہ ایکسپریس کے ملزمان کی سزا کے حوالے سے بیان میں کہا گیا کہ بھارت سمجھوتہ ایکسپریس کے حادثے میں جاں بحق ہونے والے 42 پاکستانیوں کو انصاف فراہم کرنے اور قاتل کو سزا دینے میں ناکام ہوگیا ہے۔

وزارت دفاع نے کہا کہ بھارت اپنے قول و فعل سے خطے میں عدم توازن پیدا کر رہا ہے، جہاں وہ ایک جانب ایٹمی اثاثوں کے حوالے سے بے بنیاد بیانات دے رہا ہے اور وہیں اس نے لائن اذف کٹرول (ایل او سی) اور ورکنگ باؤنڈری پر گزشتہ برس غیر مسلح عام شہریوں پر پانچ گناہ زیادہ حملے کیے جس میں متعدد شہری مارے گئے۔بیان میں کہا گیا کہ پاک فوج ہر طرح کی جارحیت سے نمٹنے اور ملکی سالمیت کے دفاع کے لیے بھرپور انداز میں تیار ہے، اور پاکستانی قوم کی حمایت سے مسلح افواج زمین، سمندر اور فضا میں ہر وقت چوکنا ہے اور پاکستان کے ایک ایک انچ کا دفاع کرے گی۔پاکستان مخالف حکومت کے زیر اثر اگر بھارت کی جانب سے کسی مہم جوئی کا آغاز ہوا تو وہ جنوبی ایشیا کے استحکام پر بری طرح اثر انداز ہوگا۔

مزید متعلقہ خبریں پڑھئیے‎ :

وقت اشاعت : 13/02/2018 - 18:23:54

اس خبر پر آپ کی رائے‎

متعلقہ عنوان :