الیکشن کمیشن کا قومی اسمبلی کے حلقہ این اے 154 لودھراں میں پر امن انتخابات پر اطمینان کا اظہار

انتخابات کے پر امن استعمال کے لئے پاکستان آرمی کا کردار قابل تحسین ہے ،ْ الیکشن کمیشن

منگل 13 فروری 2018 16:12

الیکشن کمیشن کا قومی اسمبلی کے حلقہ این اے 154 لودھراں میں پر امن انتخابات ..

اسلام آباد (اُردو پوائنٹ اخبارتازہ ترین - این این آئی۔ 13 فروری2018ء) الیکشن کمیشن آف پاکستان نے قومی اسمبلی کے حلقہ این اے 154 لودھراں میں پر امن انتخابات پر اطمینان کا اظہار کرتے ہوئے کہا ہے کہ انتخابات کے پر امن استعمال کے لئے پاکستان آرمی کا کردار قابل تحسین ہے ۔

(جاری ہے)

منگل کو الیکشن کمیشن کی جانب سے جاری تفصیلات کے مطابق انتخابات کے پر امن استعمال کے لئے پاکستان آرمی کا کردار قابل تحسین ہے، پنجاب پولیس اور باقی حکومتی اہلکاروں نے جو جانفشانی سے کام کیا ہے، پریذائیڈنگ آفیسران اور پولنگ عملہ نے احسن طریقہ سے اپنی ذمہ داریاں نبھائی ہیں۔

کمیشن نے کہا ہے کہ ڈسٹرکٹ ریٹرننگ آفیسر، ریٹرنگ آفیسر اور متعلقہ سٹاف نے انتہائی ایمانداری اور پیشہ ورانہ طریقے سے خدمات سر انجام دیں۔ کمیشن نے کہا کہ الیکشن کمیشن کی مانیٹرنگ کمیٹیوں نے پورے الیکشن میں چوکنا ہو کر کردار ادا کیا۔ میڈیا کردار قابل ستائش اور ذمہ دارانہ رہا۔ کمیشن نے این اے 154 لودھراں میں ووٹر کی جمہوری عمل میں شرکت پر بھی خراج تحسین پیش کیا۔