امریکا یورپ اور ایشیاء میں سونے کے نرخوں میں اضافہ

منگل 13 فروری 2018 14:40

لندن ۔ (اُردو پوائنٹ اخبارتازہ ترین - اے پی پی۔ 13 فروری2018ء) امریکا اور یورپ میں سونے کے نرخوں میں اضافہ ہوا ہے۔ نیویارک میں وقفے کے بعد سپاٹ گولڈ کے نرخ 0.5 فیصد بڑھ کر 1323.16 ڈالر فی اونس رہے جبکہ یو ایس سپاٹ گولڈ کی فروری کے لیے سپلائی 0.8 فیصد اضافہ کے ساتھ 1326.40 ڈالر فی اونس طے پائے،چاندی کے نرخ بھی 1.2فیصد بڑھ کر 16.55 ڈالر فی اونس رہے۔

(جاری ہے)

لندن میں سپاٹ گولڈ کے نرخ 0.4 فیصد اضافے کے ساتھ 1321.28 ڈالر فی اونس پر بند ہوئے اور امریکی سونے کے سودے 0.5 فیصد اضافہ کے ساتھ 1322.20 ڈالر فی اونس طے پائے۔

چاندی16.52 ڈالر فی اونس رہی ۔ایشیائی سپاٹ میں سونے کے نرخ 0.6 فیصد اضافے کے ساتھ 1323.63 ڈالر فی اونس،امریکی گولڈ فیوچرز برائے اپریل ڈیلیوری 0.8 فیصد اضافہ کے ساتھ 1325.60 ڈالر فی اونس طے پائی۔سپاٹ مارکیٹ ماہرین نے آمدہ ہفتوں میں عالمی مارکیٹ میں سونے کے نرخ گر کر 1300 ڈالر فی اونس تک آنے کا امکان ظاہر کیا ہے۔

Facebook Twitter Google + Share on Whatsapp

امریکا یورپ اور ایشیاء میں سونے کے نرخوں میں اضافہ

متعلقہ عنوان :

مزید تجارتی خبریں