3ء میں جب موجودہ حکومت نے اقتدار سنبھالا تو اس وقت پولیو ایک پھیلتا ہوا چیلنج تھا ،ْ رواں سال کوئی کیس سامنے نہیں آیا ،ْسائرہ افضل تارڑ

لوڈشیڈنگ، دہشت گردی، کراچی میں امن و امان کی صورتحال پولیو کے چیلنج سے بھی ٹھوس فیصلوں، عزم اور بہتر حکمرانی سے نمٹا ہے ،ْ وفاقی وزیر صحت

پیر 12 فروری 2018 18:15

ْ اسلام آباد (اُردو پوائنٹ اخبارتازہ ترین - این این آئی۔ 12 فروری2018ء) وفاقی وزیر قومی صحت سائرہ افضل تارڑ نے کہا ہے کہ 2013ء میں جب موجودہ حکومت نے اقتدار سنبھالا تو اس وقت پولیو ایک پھیلتا ہوا چیلنج تھا تاہم حکومت کی جانب سے کی گئی کوششوں کی بدولت 2017ء میں پولیو کے صرف آٹھ کیسز سامنے آئے ،ْ رواں سال کوئی کیس سامنے نہیں آیا۔ 2018ء میں دوسری پولیو مہم کے آغاز پر اپنے ایک پیغام میں انہوں نے کہا کہ لوڈشیڈنگ، دہشت گردی، کراچی میں امن و امان کی صورتحال پولیو کے چیلنج سے بھی ٹھوس فیصلوں، عزم اور بہتر حکمرانی سے نمٹا ہے۔

(جاری ہے)

انہوں نے کہا کہ بلوچستان کے چار اضلاع قلع عبدالله، قلع سیف الله، ژوب، شیرانی اور کراچی میں پولیو مہم کا آغاز 19فروری کو ہوگا۔ ضلع لودھراں میں پولیو مہم کا آغاز 14 فروری کو ضمنی الیکشن کے بعد ہوگا۔ انسداد پولیو مہم پروگرام کے تحت ملک بھر میں پانچ سال سے کم عمر 38.37 ملین بچوں کو پولیو سے بچائو کے قطرے پلائے جائیں گے جن میں سے 19.15 ملین پنجاب، 8.7 ملین سندھ، 5.7 ملین کے پی کے، 2.46 ملین بلوچستان، 1.03فاٹا، 0.74 ملین آزاد جموں کشمیر، 0.237 گلگت بلتستان اور اسلام آباد کے 0.313 ملین بچوں کو پولیو سے بچائو کے قطرے پلائے جائیں گے۔