سپیکر بلوچستان اسمبلی کا معروف قانون دان عاصمہ جہانگیر کے انتقال پر گہرے دکھ و افسوس کا اظہار

مرحومہ نے پوری زندگی خواتین اور انسانی حقوق کیلئے جدو جہد کی جنہیں ہمیشہ یاد رکھا جائیگا ، راحیلہ حمید خان درانی

اتوار 11 فروری 2018 21:10

کوئٹہ (اُردو پوائنٹ اخبارتازہ ترین - آئی این پی۔ 11 فروری2018ء) اسپیکر بلوچستان اسمبلی محترمہ راحیلہ حمید خان درانی نے ممتاز قانون دان اور سپریم کورٹ بار ایسو سی ایشن کی سابق صدر عاصمہ جہانگیر کے انتقال پر گہرے دکھ اور افسوس کا اظہار کیا ہے۔ اپنے ایک تعزیتی پیغام میں انہوں نے کہا ہے کہ عاصمہ جہانگیر ایک منفرد سوچ کی مالک تھیں اور ہمیشہ قانون اور جمہوریت کی بالادستی کیلئے ناقابل فراموش کردار ادا کیا ۔

(جاری ہے)

انہوں نے اسپیکرنے مرحومہ کی خدمات کو خراج تحسین پیش کرتے ہوئے کہا کہ عاصمہ جہانگیر نے پوری زندگی خواتین اور انسانی حقوق کیلئے جدو جہد کی ان کی ان خدمات کو ہمیشہ یاد رکھا جائے گا۔ انہوں نے کہا کہ عاصمہ جہانگیر کا انتقال وکلاء برادری کیلئے ناقابل تلافی نقصان ہے اور انکی رحلت سے پیدا ہونے والا یہ خلا مشکل سے پر ہوگا۔ اسپیکر نے سوگوار خاندان سے ہمدردی اور تعزیت کا اظہار کرتے ہوئے مرحومہ کی مغفرت اور بلند درجات کیلئے دعا کی ہے۔