گورنر سندھ سے غیر ملکی صحافیوں کے وفد کی گورنر ہائوس میں ملاقات
اگلے 10 سال پاکستان کی اقتصادی ترقی کا سنہرا دور ہوں گے، دہشت گردی کے خلاف جنگ میںپاکستان نے جانی ومالی قربانیاں دیں پی ایس ایل فائنل کے لئے کراچی آنے والے غیر ملکی کھلاڑیوں کو بھر پور سیکورٹی دیں گے، کراچی کی رونقیں بحال ہو رہی ہیں،محمد زبیر کی گفتگو
ہفتہ 10 فروری 2018 19:05
(جاری ہے)
انہوں نے کہا کہ 2013 میں توانائی بحران اس قدر شدید تھا کہ ملک میں بلیک آئوٹ کا خطرہ پید اہوگیا تھا کیونکہ اس وقت بجلی کی پیداور کا کوئی بھی منصوبہ پائپ لائن میں نہیں تھا۔
انہوں نے کہاکہ یہ دونوں انتہائی بڑے چیلنج تھے جنہیں حکومت نے قبول کیا اور 4 1/2 سال کے عرصہ میں ان دونوں مسائل کو حل کرلیا گیا ہے ۔ انہوں نے کہا کہ اندرونی اور بیرونی چیلنجز کے باوجود موجودہ حکومت معاشی استحکام پیدا کرنے میں کامیاب رہی کیونکہ اس ضمن میں حکومت کی مخلصانہ پالیسیوں کا مقصد پاکستان کو ترقی وخوشحالی کی راہ پر گامزن کرنا تھا ۔ حکومت کی کامیاب اقتصای پالیسیوں کی جانب اشارہ کرتے ہوئے گورنر سندھ نے کہا کہ موجودہ حکومت نے تیز رفتار اقتصادی ترقی کی بنیاد رکھ دی ہے اور آئندہ آنے والی حکومت کو مضبوط معیشت ، بڑھتی ہوئی سرمایہ کاری اور صنعتوں کے قیام کے منصوبے ورثہ میں ملیں گے۔ سی پیک کی اہمیت کا تذکرہ کرتے ہوئے گورنر سندھ نے کہا کہ یہ خطہ کے لئے حقیقی معنوں میں گیم چینجر ہے پاکستان کی خوش قسمتی ہے کہ اس نے چین سے اس وقت سفارتی تعلقات استوار کئے جب وہ اقتصادی طاقت نہیں تھا ۔ انہوں نے کہا کہ وقت گزرنے کے ساتھ ساتھ یہ تعلقات مضبوط سے مضبوط تر ہوتے جارہے ہیں کیونکہ ان کی بنیاد باہمی اعتماد اور اخلاص پر ہے دہشت گردی کے خلاف جنگ میں پاکستان کے کردار کا تذکرہ کرتے ہوئے گورنر سندھ نے کہا کہ پاکستان نے دہشت گردی کے خلاف جنگ میں ہمیشہ ہر اول دستہ کا کردار ادا کیا ہے۔ انہوں نے کہا کہ اس جنگ سے ہمیں بے تحاشہ نقصان بھی اٹھانا پڑا لیکن دنیا کو انسانوں کے رہنے کے لئے پر امن جگہ بنانے کے لئے ہم نے یہ قربانی دی۔ انہوں نے کہا کہ وفاقی حکومت نے اس ضمن میں قبائلی علاقوں میں آپریشن کرنے کا کڑوا گھونٹ بھی پیا جس کے دوران ہماری مسلح افواج کے سیکڑوں اہلکاروں نے اپنی جانوں کا نذرانہ پیش کیا جبکہ ہزاروں خاندانوں کو بے گھر ہونا پڑا ۔ انہوں نے کہا کہ کسی کو بھی اس ضمن میں ہمارے اخلاص اور نیت پر شک نہیں ہونا چاہئے کیونکہ ہمارا عزم ہے کہ دہشت گردی کے خلاف جنگ میں ہمیشہ موجود رہیں گے۔ ایک سوال کے جواب میں گورنر سندھ نے کہا کہ کراچی ملک کا معاشی مرکز ہے جو 2013سے قبل دو عشروں تک بدامنی ، بے یقینی اور لاقانونیت جیسے مسائل کا شکار رہا ۔ لیکن گزشتہ 4 1/2 سال کے دوران حکومت کی مخلصانہ کاوشوں کے باعث اب یہ دوبارہ سے اپنی پرانی رونقوں کی جانب لوٹ رہا ہے جو کہ 60 اور 70 کی دہائیوں میں اس کا خاصہ ہواکرتی تھیں۔ انہوں نے کہا کہ اب یہاں مسلسل عالمی سطح کی تقریبات منعقد ہورہی ہیں جن میں دنیا بھر سے مہمان شریک ہورہے ہیں۔ انہوں نے کہا کہ جاری کراچی لٹریچر فیسٹیول اور گزشتہ ماہ منعقد کی جانے والی انٹرنیشنل میڈیا کانفرنس میں غیر ملکی وفود کی شرکت اس کا سب سے بڑا ثبوت ہے انہوں نے کہا کہ جلد ہی کراچی میں عالمی فلم فیسٹیول اور اسکواش ٹورنامنٹ منعقد کیا جارہا ہے تاکہ عالمی دنیا کو مزید باور کرایا جاسکے کہ کراچی ایک بار پھر روشنیوں کا شہر بن رہا ہے جہاں سماجی، سیاسی، ثقافتی ، معاشی اور ادبی سرگرمیاں تواتر سے منعقد ہورہی ہیں۔ انہوں نے مزید کہا کہ آپ لوگوں کی کراچی آمد بھی یہاں کی سیکیورٹی کی صورتحال پر اعتماد کا اظہار ہے ۔ پاکستان سپر لیگ کے تیسرے ایڈیشن کے فائنل کے کراچی میں انعقاد کے سوال پر گورنر سندھ کہا کہ گزشتہ سال لاہور میں دوسرے ایڈیشن کے فائنل کے موقع پر انہوں نے وعدہ کیا تھا کہ اگلا فائنل کراچی میں منعقد کیا جائے گا جس کی تکمیل 25 مارچ کے فائنل کے انعقاد سے ہوجائے گی۔ انہوں نے کہا کہ فائنل میں آنے والے تمام کھلاڑیوں خصوصاً غیر ملکی کھلاڑیوں کو فول پروف سیکیورٹی فراہم کی جائے گی۔ انہوں نے کہا کہ خصوصاً مغربی دنیا میں حقیقت کے برعکس تاثر پاکستان کے امیج کو متاثر کررہا ہے۔ انہوں نے کہا کہ دیگر افرد کی بہ نسبت صحافی اپنی تحریروں کے ذریعہ اس منفی تاثر کو زائل کرنے اور اپنی حکومت کو حقیقت سے آگاہ کرنے میں اہم کردار کرسکتے ہیں۔مزید اہم خبریں
-
وزیر اعظم کے دورہ سعودی عرب کا امکان
-
بحیرہ احمر میں جبوتی کے ساحل کے قریب 77 افراد کو لے جانے والی کشتی الٹ گئی 23 افراد ہلاک جبکہ21 لاپتہ ہیں.اقوام متحدہ
-
ایرانی صدر ابراہیم رئیسی کے دورہ پاکستان کے دوران پاک ایران گیس پائپ لائن کا تذکرہ سامنے نہیں آسکا
-
نواز شریف نے قمر باجوہ کو مدت ملازمت میں دوسری توسیع کی یقین دہانی کرائی تھی
-
حکومت کے معاشی اشاریوں میں بہتری کے دعوﺅں میں کتنی حقیقت ہے؟ماہانہ اعداد و شمار کو بنیاد بناکرنہیں کہا جا سکتا کہ بہتری آچکی ہے.معاشی ماہرین
-
صدر زرداری سے ائیر ایشیا ایوی ایشن گروپ کی ملاقات
-
عدالت نے علیمہ خان کی عبوری ضمانت کی درخواست منظور کرلی
-
سعودیہ سے دیر آنے والی خاتون 22 سالہ نوجوان کے ساتھ لاپتا، تلاش شروع
-
ایرانی صدر کا دورہ کراچی، (کل) صبح 8 بجے تک موبائل سروس معطل رہے گی
-
کم سے کم اجرت 32000 ہے ، عمل نہ کرنے والے اداروں کے خلاف کارروائی کی جائیگی ، وزیرخزانہ
-
مجھے مسلم لیگ ن سے کیوں نکالا گیا؟ اس کی وجہ شہباز شریف پسند نہیں کرتے تھے
-
اٹک ریفائنری بند ہونے کے دہانے پر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.