جنوبی وزیرستان کے صحافیوں کے وفد کا آئی ایس پی آر ہیڈ کوارٹر کا دورہ

ڈی جی آئی ایس پی آر میجر جنرل آصف غفور سے ملاقات ،فاٹا کی سیکورٹی صورتحال اور پاک فوج کے فاٹا میں جاری ترقیاتی منصوبوں پر تبادلہ خیال

اتوار 4 فروری 2018 20:50

راولپنڈی (اُردو پوائنٹ اخبارتازہ ترین - آن لائن۔ 04 فروری2018ء) جنوبی وزیرستان کے صحافیوں کے وفد نے آئی ایس پی آر ہیڈ کوارٹر کا دورہ کیا ہے، وفد نے ڈی جی آئی ایس پی آر میجر جنرل آصف غفور سے ملاقات کی ، ملاقات میں فاٹا کی سیکورٹی صورتحال اور پاک فوج کے فاٹا میں جاری ترقیاتی منصوبوں پر تبادلہ خیال کیا گیا، آئی ایس پی آر کے مطابق میجر جنرل آصف غفور نے صحافیوں کے وفد کو جنوبی وزیرستان کے زمینی حقائق سے آگاہ کیا۔

(جاری ہے)

وفد کو جنوبی وزیرستان میں جاری ترقیاتی منصوبوں اور امن وامان کی صورتحال پر بریفنگ دی گئی ، صحافیوں کے وفد نے جنوبی وزیرستان میں امن و امان اور ترقیاتی کاموں کیلئے اپنی رائے بھی دی اور علاقے میں ترقیاتی کام کروانے اور امن بحال کرنے پر پاک فوج کا شکریہ ادا کیا۔