ثقافت اور اطلاعات کے شعبوں میں پاک چین تعلقات سے دونوں ملکوں کے عوام کے مابین رشتے مزید مستحکم ہونگی ،
سی پیک نہ صرف اقتصادی و انفراسٹرکچر کی ترقی کا ذریعہ ہے بلکہ یہ منصوبہ آرٹ،ثقافت اور ورثہ کے شعبوں میں تعاون کی نئی راہیں کھولے گا،آرٹ اور ثقافت کا فروغ حکومت کی اولین ترجیحات میں شامل ہے،پاکستان فلم انڈسٹری کے احیاء میں چین کے تعاون کا خواہاں ہے ،ثقافتی معاہدوں سے دونوں ملکوں کے درمیان ثقافتی تعلقات مزید مضبوط ہونگے وزیر مملکت برائے اطلاعات و نشریات ، قومی تاریخ و ادبی ورثہ مریم اورنگزیب کاچین کے پانچ روزہ دورے پر روانگی سے قبل بیان
ہفتہ 3 فروری 2018 22:39
(جاری ہے)
ہفتہ کو چین کے پانچ روزہ(3سے 8فروری)سرکاری دورے پر روانگی سے قبل جاری اپنے ایک بیان میں وزیر مملکت برائے اطلاعات و نشریات مریم اورنگزیب نے سی پیک کو امن و خوشحالی کی شاہراہ قرار دیتے ہوئے کہا کہ دنیا کی تاریخ ایسے واقعات سے بھری پڑی ہے جہاں دیگر طاقتوں کے اثر رسوخ کو کم کرنے ،دیگر علاقوں کو فتح کرنے یا محض اپنے دفاع کیلئے اتحاد قائم ہوئے تاہم سی پیک کے تحت پاک چین شراکتداری اس لحاظ سے منفرد ہے کہ اس کا مقصد نہ صرف پاکستان اور چین کے عوام کو ترقی کے ثمرات،روزگار کے مواقع اور بنیادی سہولتوں کی فراہمی ہے بلکہ اس کا مقصد خطے کے تمام عوام کوبھی فائدہ پہنچانا ہے۔
وزیر مملکت نے کہا کہ سی پیک علاقائی روابط کی مضبوطی کے علاوہ سیاحت کو فروغ دے گا اور ون بیلٹ ون روڈانیشیٹیو کے ذریعے ثقافتی روابط بھی قائم کرے گا۔انہوں نے کہا کہ ون بیلٹ ون روڈانیشیٹیو سے نہ صرف تمام خطے کی مشترکہ اقتصادی ترقی کیلئے دونوں ملکوں کے مابین مستقل شراکتداری قائم ہوگی بلکہ یہ ثقافتی ورثے کو بھی مستحکم کرے گا ۔مریم اورنگزیب نے کہا کہ آرٹ اور ثقافت کا فروغ حکومت کی اولین ترجیحات میں شامل ہے اور اس سلسلے میں جلد ملکی ثقافتی پالیسی کا اعلان کیا جائے گا۔ وزیر مملکت مریم اورنگ زیب نے کہا کہ ہم پہلی بار فلم ،پروڈکشن اور براڈ کاسٹ پالیسی پر بھی کام کر رہے ہیں کیونکہ فلمیں سکرین ٹورازم اور کسی بھی معاشرے کی اقدار و ثقافت کو فروغ دینے کااہم ذریعہ ہیں۔انہوں نے کہا کہ ثقافتی معاہدوں سے دونوں ملکوں کے درمیان ثقافتی تعلقات مزید مضبوط ہونگے اور عوام کے مابین رابطوں کو فروغ ملے گا۔انہوں نے کہا کہ پاکستان فلم انڈسٹری کے احیاء میں چین کے تعاون کا خواہاں ہے۔مریم اورنگزیب نے کہا کہ دورہ چین کے موقع پر اعلی حکام کے ساتھ ملاقاتوں میں میڈیا،انفارمیشن،ڈراموں کے تبادلوں اورکوپروڈکشن کے شعبوں میں تعاون بھی زیر بحث لایا جائے گا۔مریم اورزنگزیب اور چینی وزیر ثقافت لویو شوگانگ ثقافتی معاہدے کے ایگزیکٹیو پروگرام پر دستخط بھی کریںگے۔مریم اورنگزیب سٹیٹ ایڈ منسٹریشن آف پریس،پبلیکیشن،ریڈیو،فلم اور ٹیلی وژن کے دورے کے موقع پر نائب وزیر ٹونگ گانگ سے بھی ملاقات کریں گے۔وزیر مملکت مریم اورنگزیب چین کے قومی میوزیم کے علاوہ شنگھائی فلم گروپ اور فلم میوزیم کے دورے بھی کریںگی۔متعلقہ عنوان :
مزید اہم خبریں
-
ملک سے سیاسی تقسیم اور افراتفری کا خاتمہ چاہتے ہیں، وزیر اعظم
-
اسلام آباد ہائی کورٹ نے عمران خان کی وکلا سے جیل میں ملاقات کی درخواست نمٹا دی
-
ریاست کی رٹ چیلنج کرنے والوں کے ساتھ سختی سے پیش آئیں گے،سرفراز بگٹی
-
سرکاری تقریبات میں پروٹوکول کیلئے سرخ قالین بچھانے پر پابندی عائد
-
علی امین گنڈا پور نے صوبے میں مستحق افراد کو 1 ارب سے زائد عید پیکیج دینے کی منظوری دیدی
-
تحریک انصاف کی کور کمیٹی نے عمران خان کے وکلاءکی کارکردگی پر سوالات اٹھا دئیے
-
پی ٹی آئی رہنماءعامر ڈوگر کو عمرے پر جانے کی اجازت مل گئی
-
گوجرانوالہ،سفاک چچا اور چچی کامبینہ طورپربچے پرڈنڈوں سے تشدد،7سالہ بچہ جاں بحق
-
شہبازشریف نے پی پی 164میں ضمنی انتخاب کیلئے رانا راشد منہاس کو پارٹی ٹکٹ جاری کر دیا
-
پی آئی اے پرواز کی خاتون فضائی میزبان کو ٹورنٹوائیرپورٹ پر حراست میں لے لیاگیا
-
بھارت: سیاسی رہنما مختار انصاری کی موت فطری یا 'قتل'؟
-
وزیرِ اعظم شہباز شریف نے مشترکہ مفادات کونسل کی تشکیلِ نو کر دی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.