آصف علی زرداری سے فنگشنل لیگ کے سابق ایم پی اے امام الدین شوقین کی اسلام آباد میں ملاقات

جمعہ 2 فروری 2018 23:01

اسلام آباد ۔ (اُردو پوائنٹ اخبارتازہ ترین - اے پی پی۔ 02 فروری2018ء) سابق صدر پاکستان اور پاکستان پیپلزپارٹی پارلیمنٹرینز کے صدر آصف علی زرداری سے سانگھڑ سندھ سے تعلق رکھنے والے فنگشنل لیگ کے سابق ایم پی اے امام الدین شوقین نے زرداری ہائوس اسلام آباد میں ملاقات کی۔ امام الدین شوقین نے ملاقات میں فنگشنل لیگ کو چھوڑ کر پاکستان پیپلزپارٹی میں شمولیت کا اعلان کیا۔

(جاری ہے)

امام الدین شوقین نے کہا کہ ملک میں صرف ایک ہی سیاسی پارٹی ہے اور خوشی کی بات یہ ہے کہ پیپلزپارٹی نے نوجوان قیادت دی ہے۔ انہوں نے چیئرمین بلاول بھٹو زرداری اور آصف علی زرداری کی قیادت پر اعتماد کا اظہار کرتے ہوئے کہا کہ وہ پارٹی قیادت کی قیادت میں محترمہ بینظیر بھٹو شہید کے فلسفے اور نظریے کے لئے کام کریں گے۔ آصف علی زرداری نے امام الدین شوقین کی پارٹی میں شمولیت پر ان کا خیرمقدم کیا۔

Facebook Twitter Google + Share on Whatsapp

آصف علی زرداری سے فنگشنل لیگ کے سابق ایم پی اے امام الدین شوقین کی اسلام آباد میں ملاقات

متعلقہ عنوان :

مزید اہم خبریں