وفاقی وزیر داخلہ کی زیر صدارت امن وامان کے حوالے سے اجلاس کا انعقاد

اسلام آباد میں سٹریٹ کرائم کی روک تھام ،موبائل فونز کی چوری کے انسداد کیلئے پاکستان ٹیلی کمیونیکیشن اتھارٹی سے خصوصی سافٹ وئیر تیار کروانے کی ہدایت

منگل 30 جنوری 2018 22:16

وفاقی وزیر داخلہ کی زیر صدارت امن وامان کے حوالے سے اجلاس کا انعقاد

اسلام آباد (اُردو پوائنٹ اخبارتازہ ترین - این این آئی۔ 30 جنوری2018ء) وفاقی وزیر داخلہ پروفیسر احسن اقبال نے انتظامیہ اور پولیس حکام کو اسلام آباد میں سٹریٹ کرائم کی روک تھام ،موبائل فونز کی چوری کے انسداد کیلئے پاکستان ٹیلی کمیونیکیشن اتھارٹی سے خصوصی سافٹ وئیر تیار کروانے کی ہدایت کی ہے۔ منگل کو وفاقی وزیر داخلہ احسن اقبال کی زیر صدارت امن وامان کے حوالے سے ایک اجلاس کا انعقاد ہوا۔

(جاری ہے)

اجلاس میں سول انتظامیہ ، اسلام آباد پولیس نے شرکت کی۔ وزیر داخلہ نے کہا کہ اسلام آباد میں مقیم چینی باشندوں کو مکمل تحفظ فراہم کیا جائے۔ انہوں نے ہدایت کی کہ اسلام آباد میں سٹریٹ کرائم کی روک تھام کیلئے اقدامات تیز اور جرائم اور گاڑیوں کے ریکارڈ کے لئے قومی ڈیٹا بیس تشکیل دیا جائے۔ وزیر داخلہ نے موبائل فونز کی چوری کے انسداد کیلئے پاکستان ٹیلی کمیونیکیشن اتھارٹی سے خصوصی سافٹ وئیر تیار کروانے کی بھی ہدایت کی ۔