ایف سی بلوچستان کا خفیہ اطلاعات پر آپریشن

10مشتبہ افراد کو گرفتار کر کے بھاری مقدار میں اسلحہ اور گولہ بارود برآمد کر لیا، آئی ایس پی آر

منگل 30 جنوری 2018 22:14

راولپنڈی(اُردو پوائنٹ اخبارتازہ ترین - آن لائن۔ 30 جنوری2018ء) ایف سی بلوچستان نے خفیہ اطلاعات پر آپریشن کرکی10مشتبہ افراد کو گرفتار کر کے بھاری مقدار میں اسلحہ اور گولہ بارود برآمد کر لیا، آئی ایس پی آر کے مطابق ایف سی بلوچستان نے خفیہ اطلاعات پر بلوچستان کے علاقوں ڈیرہ بگٹی اور ڈیرہ مراد جمالی میں دہشتگردوں کے خفیہ ٹھکانوں پر آپریشن کیا، کارروائی کے دوران10مشتبہ دہشتگردوں کو گرفتار کر لیا گیا اور ان کے قبضے سے بھاری مقدار میں اسلحہ اور گولہ بارود برآمد کر لیا گیا برآمد کیے گئے اسلحہ میں آئی ای ڈیز، ڈیٹونیٹر، دستی بم اور گولہ بارود شامل ہے۔