مستقبل کی فضائی جنگوں کے چیلنجز کے پیش ِ نظر پاک فضائیہ کی آپریشنل ٹریننگ میں بتدریج بہتری کا عمل ہمیشہ جاری رہنا چاہیے

مبیٹ کمانڈرز سکول پاک فضائیہ کی عسکری قیادت کی عملی تربیت میں کلیدی کردار ادا کرتا ہے ،ایئر چیف مارشل سہیل امان

منگل 30 جنوری 2018 21:22

مستقبل کی فضائی جنگوں کے چیلنجز کے پیش ِ نظر پاک فضائیہ کی آپریشنل ..

اسلام آباد ۔ (اُردو پوائنٹ اخبارتازہ ترین - اے پی پی۔ 30 جنوری2018ء) پاک فضائیہ کے سربراہ ایئر چیف مارشل سہیل امان نے کہا ہے کہ مستقبل کی فضائی جنگوں کے چیلنجز کے پیش ِ نظر پاک فضائیہ کی آپریشنل ٹریننگ میں بتدریج بہتری کا عمل ہمیشہ جاری رہنا چاہیے ، مبیٹ کمانڈرز سکول پاک فضائیہ کی عسکری قیادت کی عملی تربیت میں کلیدی کردار ادا کرتا ہے جو پاک فضائیہ کی آپریشنل تیاریوں کے لیے نہایت اہم ہے۔

وہ ائیر پاور سینٹر آف ایکسیلنس، سرگودھا میں کمبیٹ کمانڈرز سکول کی49ویں کمبیٹ کمانڈرز کورس کی گریجویشن تقریب سے خطاب کررہے تھے ۔ ائیر چیف نے کہا کہ کمبیٹ کمانڈرز سکول پاک فضائیہ کی عسکری قیادت کی عملی تربیت میں کلیدی کردار ادا کرتا ہے جو پاک فضائیہ کی آپریشنل تیاریوں کے لیے نہایت اہم ہے۔

(جاری ہے)

انہوں نے گریجویٹ ہونے والے افسران پر زور دیا کہ وہ اس شاندار ادارے سے حاصل کردہ تجربے اور تربیت کو نوجوان افسران تک منتقل کریں ۔

انہوںنے اس موقع پر گریجوٹینگ آفیسرز میں سرٹیفکیٹ اور اعلیٰ کارکردگی کا مظاہر ہ کرنے والوں میں ٹرافیاں تقسیم کیں۔ بہترین کمبیٹ کمانڈرکی چیف آف دی ائیر سٹاف ٹرافی سکواڈرن لیڈر جواد خورشید نے حاصل کی جبکہ بہترین کمبیٹ کنٹرولر کی ائیر آفیسر کمانڈنگ ائیر ڈیفنس کمانڈ ٹرافی طیب حسین نے حاصل کی۔ تقریب میں پرنسپل سٹاف آفیسر ز کے علاوہ پاک فضائیہ کے فیلڈ کمانڈرز نے بھی شرکت کی۔