کراچی ،ْاے ٹی ایم کیس میں گرفتار چینی باشندوں کو سزا

پیر 29 جنوری 2018 16:54

کراچی (اُردو پوائنٹ اخبارتازہ ترین - این این آئی۔ 29 جنوری2018ء) کراچی سے اے ٹی ایم اسکمنگ کیس میں گرفتار 2 چینی باشندو ں کو ایک ایک سال قید کی سزا سنا دی گئی۔ایف آئی اے کی جانب سے دونوں چینی باشندوں کو پیرکو کراچی سٹی کورٹ میں پیش کیا گیا جہاں عدالت نے جرم ثابت ہونے پرانہیں ایک ،ایک سال قید اور 50،50ہزار روپے جرمانے کی سزا سنا دی۔

(جاری ہے)

کمرہ عدالت میں ایف آئی اے حکام کا کہنا تھا کہ مجرمان اے ٹی ایم سے رقم نکلواتے تھے، دونوں چینی باشندوں کو ڈیفنس سے گرفتار کیا گیا تھا۔

واضح رہے کہ کراچی میں چند ماہ قبل اے ٹی ایم اسکمنگ کے ذریعے فراڈ کی وارداتوں کا انکشاف ہوا تھا جس میں کئی شہریوں کا ڈیٹا ہیک کرکے ان کے اکاونٹ سے رقوم نکلوائی گئی تھیں۔صارفین اور بینکوں کی شکایات پر ایف آئی اے نے فوری ایکشن لیا اور کراچی کے نجی بینک میں اسکمنگ ڈیوائس لگاتے ہوئے دو چینی باشندوں کو رنگے ہاتھوں گرفتار کیا گیا جن کا مقدمہ مقامی عدالت میں زیر سماعت تھا۔

Facebook Twitter Google + Share on Whatsapp

کراچی ،ْاے ٹی ایم کیس میں گرفتار چینی باشندوں کو سزا

متعلقہ عنوان :

مزید قومی خبریں