آپریشن رد الفساد کے دوران فرنٹیئر کور بلوچستان کی کامیاب کارروائی

نٹیلی جنس بیسڈ آپریشن کے دوران بھاری مقدار میں آئی ای ڈی، راکٹ لانچر ، مشین گنیں، دستی بم اور دیگر اسلحہ ایمو نیشن ، بارودی سرنگیں برآمد کر کے قبضے میں لے لی ، آئی ایس پی آر

اتوار 28 جنوری 2018 19:42

راولپنڈی ،کوئٹہ(اُردو پوائنٹ اخبارتازہ ترین - آن لائن۔ 28 جنوری2018ء) آپریشن رد الفساد کے دوران فرنٹیئر کور بلوچستان کے عملے نے ملک بھر کی طرح بلوچستان کے مختلف علاقوں ڈیرہ بگٹی، چھتر، لہڑی میں کا رروائی کر تے ہوئے انٹیلی جنس بیسڈ آپریشن کے دوران بھاری مقدار میں آئی ای ڈی، راکٹ لانچر ، مشین گنیں، دستی بم اور دیگر اسلحہ ایمو نیشن ، بارودی سرنگیں برآمد کر کے قبضے میں لے لی ہے آئی ایس پی آر کے جاری کر دہ بیان کے مطابق ملک بھر کی طرح دیگر علاقوں اور بلوچستان میں جاری آپریشن رد الفساد کے دوران فرنٹیئر کور بلوچستان نے انٹیلی جنس اداروں کے ہمراہ انٹیلی جنس بیسڈ آپریشن کے دوران دہشت گردوں کے خلاف سرچ آپریشن کیا ڈیرہ بگٹی، چھتر، لہڑی میں کا رروائیاں کر تے ہوئے بھاری مقدار میں اسلحہ ایمونیشن بمعہ آئی ای ڈی راکٹ لانچر ، سب مشین گنز، اینٹی پرسنل مائنز، دستی بم ، مختلف اقسام کی بڑی تعداد میں اسلحہ ایمونیشن برآمد کر کے تخریب کاری کے منصوبے ناکام بنا دیئے ہیں تا ہم کوئی گرفتار ی عمل میں نہیں آئی ۔