تم زندگی بھرکیلئے بھی نااہل کرلو، عوام سے رشتہ نہیں ٹوٹے گا،محمد نوازشریف
ججزکووزیراعظم کونکالنےکاکوئی اختیارنہیں،معاملہ اپنےاختتام کوپہنچےگا،نوازشریف کوصدارت سے ہٹانے کاقانون توڑاتوقوم خود نوٹس لےگی،بجلی کی تارسےڈرنے والےنےاپنا،لاڈلےاورسندھ والےکا بھی بھٹا بٹھا دیا،عوام الیکشن2018ء میں ان کوایسا دھکا دوکہ یہ پھرنظرنہ آئیں،میری نااہلی کے بعد پھردہشتگردی اورڈرون حملے شروع ہوگئے۔جڑانوالہ میں عوامی جلسہ سے خطاب
ثنااللہ ناگرہ ہفتہ 27 جنوری 2018 17:19
(جاری ہے)
جڑانوالہ اور فیصل آبادوالے ہمیشہ فیصلہ دیتے ہیں۔عوام نے فیصلہ دے دیاہے کہ ہم پانچ ججز کے فیصلے کونہیں مانتے۔بیٹے سے تنخواہ نہیں لی؟ کیا یہ باپ کاجرم ہوتاہے؟ فیصلہ سنا دیاکہ جاؤ گھر کوجاؤ۔
اسلام آباد سے لاہورکا4گھنٹے کا سفرہے لیکن چاردن لگ گئے۔جی ٹی روڈ پرعوام کاجو جذبہ دیکھا وہی آج دیکھ رہاہوں۔آج دنیا بدل رہی اور جرانوالہ بھی بدل رہاہے۔ الیکشن بھی آنے والاہے۔ یہ جلسہ نئے پاکستان کاریفرنڈم ہے ۔یہ ریفرنڈم بنے گا۔ ملک میں روشنیاں اور بے روزگاری ختم ہوجائے گی۔جڑانوالہ میں بتاؤ کہ لوڈشیڈنگ ختم ہوئی یانہیں؟ میں نے وعدہ پوراکردیا۔ابھی پانچ سال بھی نہیں ہوئے لیکن چار سال بعد ہی نکال دیا۔ لیکن میں وعدہ پوراکرکے نکلا ہوں۔ انہوں نے کہاکہ موٹروے کاوعدہ کیاتھا بتائیں آج یہاں سے موٹروے گزررہی ہے یا نہیں ؟ فیصل آباد، ملتان، لاہوراسلام آباد اور کراچی کو بھی موٹروے جارہی ہے۔نوازشریف جووعدہ کرتاہے پوراکرتاہے۔انہوں نے کہاکہ الیکشن کے دنوں میں بھی آؤں گا۔انہوں نے کہاکہ مجھے 1999ء یاد آتاہے جب بجلی کی لوڈشیڈنگ نہیں تھی۔بجلی سپلائی کررہے تھے۔موٹروے بن رہے تھے۔پاکستان ایشین ٹائیگربن رہاتھا۔اس وقت مشرف نے مارشل لاء لگایااور ملک کاستیاناس کردیا۔ پھر نوازشریف 14مہینے جیل اور 7سال جلاقطنی اس لیے کہ نوازشریف نے ایٹمی قوت بنایااور ایٹمی دھماکے کیے۔جب جلاوطنی کے بعد پاکستان میں واپس آیاتودہشتگردی ، افراتفری، لوڈشیڈنگ عروج پرتھی۔لیکن عوام کی دعاؤں کے 2013ء میں آنکھوں میں انکھیں ڈال کردہشتگردی ختم کردی۔آج پھر پاکستان میں افراتفری ہے۔کیونکہ ان کوپتاچل گیاہے۔ڈرون حملے بھی شروع ہوگئے ہیں۔دہشتگردی بھی شروع ہوگئی ہے۔نوازشریف نے کہاکہ میرے دور میں کوئی ڈرون حملہ نہیں کرسکتا تھا۔اوباما سے کہاتھا کہ پاکستان آزادملک ہے کوئی ڈرون حملہ نہیں کرسکتا۔ہم نے پاکستان کوخوددارملک بنایا۔بجلی کی لوڈشیڈنگ بھی ختم کردی ہے۔انہوں نے کہا کہ نیا پاکستان بنانے والوں سے پوچھو کہ انہوں نے ملک کیلئے کیاکیاہے؟ دھرنے ،جھوٹ اور الزام تاشی کے سوا کیاکیاہے؟ انہوں نے کہاکہ ہمارے محترم ججز نے کہاکہ یہ صادق اور امین ہیں؟ واہ جی واہ صادق اور امین اس طرح کے ہوتے ہیں؟ آپ نے دونوں کاموازنہ کیاہے۔ہم نے عوام کی خدمت کی ہے ۔اس خدمت کاصلہ یہ ہے کہ بیٹے سے خیالی تنخواہ نہ لینے پرنکال دو،نااہل کردو۔سابق وزیراعظم نے کہاکہ عوام بتائیں کہ نوازشریف کی نااہلی کومانتے ہیں؟ اب وہ ججز پھر بیٹھیں گے نواشریف کی نااہلی پانچ سال کی ہے یازندگی بھرکی ہے؟ تم ناہلی زندگی بھرکیلئے بھی کرلو۔لیکن عوام سے رشتہ نہیں ٹوٹے گا۔لیکن یہ کون ہوتے ہیں مجھے عوام سے دورکرنے والے؟ انشاء اللہ ان کے فیصلے کوقوم مستردکرے گی۔یہ مخلوق نوازشریف کے ساتھ ہے اس لیے تمہارے فیصلے کچھ نہیں کرسکتے۔یہ کہتے ہیں کہ درخواست دی ہے کہ نوازشریف کوصدارت سے بھی ہٹادو؟ کیاعوام کوقبول ہے ؟ ہم نے قانون بنایا ہے پھر یہ کیسے قانون کوتوڑسکتے ہیں؟ اگرایسا کیاگیاتوپھریہ قوم خود نوٹس لے گی۔انہوں نے کہاکہ صدرن لیگ نے کہاکہ یہ ڈرون جوگزررہے ہیں ان کوآج ہمت نہیں ہورہی کہ میرے پاس سے گزریں۔ہری پور میں میرے سرکے اوپرآگئے۔لیکن آج دوردورہیں۔ انہوں نے کہاکہ بجلی کی تارسے ڈرنے والے نے اپنا،لاڈلے اور سندھ والے کابھٹابٹھا دیاہے۔انہوں نے کہاکہ میں بڑے جوش میں ہوں۔آج میرے اور عوام کے درمیان آنے کی کوشش نہ کریں۔انہوں نے کہاکہ عوام میرے اور میں ان کا ہوں۔انہوں نے کہاکہ یہ اپنے آپ کونہیں سنبھال سکتے عوام کوکیاسنبھالیں گے؟ عوام الیکشن 2018ء میں ان کوایسادھکادوکہ یہ پھرنظرنہ آئیں۔انہوں نے نوازشریف کوکس نے نکالا ہے؟ ووٹ توعوام نے دیاتھا۔لیکن پھر کس نے نکال دیا۔ان ججز کونوازشریف کونکالنے کاکوئی اختیارہے؟ مجھے پتاہے کہ یہ معاملہ ایسے نہیں ختم ہو گا یہ معاملہ اپنے اختتام کوپہنچے گا۔متعلقہ عنوان :
مزید اہم خبریں
-
امریکی محکمہ خارجہ نے دنیا بھر میں انسانی حقوق کی صورتِ حال پر سالانہ رپورٹ جاری کر دی
-
ایرانی میزائلوں نے کس طرح اسرائیلی کثیر الجہتی، مربوط خودکار فضائی دفاعی نظام کے حصار کو کیسے توڑا؟ حملہ کتنا کامیاب رہا سیٹلائٹ تصاویر سے جائزہ
-
ٹک ٹاک کی نئی ایپ پر یورپی یونین کا کمپنی کو الٹی میٹم
-
شوہر نے پیسے نہ دینے پر بیوی کی ناک اور کان کاٹ دیئے
-
شہریوں کو آئین و قانون کے تحت دستیاب سہولیات سے روگردانی نہیں ، لاپتہ افراد کے مسئلہ کا سیاسی حل بھی نکالناہو گا، سینیٹر اعظم نذیر تارڑ
-
علی گڑھ مسلم یونیورسٹی کی تاریخ میں پہلی خاتون وائس چانسلر
-
بشریٰ بی بی کی تشویشناک حد تک بگڑتی صحت سنجیدگی کی متقاضی ہے، چیئرمین پی ٹی آئی
-
پاکستان چھوڑنے والے غیرقانونی افغانیوں کی تعداد 5لاکھ 42ہزار سے متجاوز
-
اٹک ،پب جی گیم نے دوست کے ہاتھوں دوست کا قتل کروا دیا،ملزم گرفتار
-
بشریٰ بی بی مکمل فٹ قرار، طبی رپورٹ اعلیٰ حکام کو ارسال
-
پاکستان کو 1.1 ارب ڈالرقسط کی منظوری کیلئے آئی ایم ایف بورڈ اجلاس 29 اپریل کو ہوگا
-
جون تک زرمبادلہ کے ذخائر9 سے 10 ارب ڈالرتک پہنچ جائیں گے، محمد اورنگزیب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.