ملک بھر میں آپریشن ردالفساد کامیابی سے جاری

ایف سی بلوچستان اور سیکیورٹی فورسز کی مختلف علاقوں میں کارروائی کے دوران20مشتبہ افراد گرفتار، بڑی مقدار میں اسلحہ و گولہ بارود بھی برآمد ہوا، آئی ایس پی آر

جمعرات 25 جنوری 2018 22:36

اسلام آباد(اُردو پوائنٹ اخبارتازہ ترین - آن لائن۔ 25 جنوری2018ء) ملک بھر میں آپریشن ردالفساد کامیابی سے جاری ہے، ایف سی بلوچستان اور سیکیورٹی فورسز کی مختلف علاقوں میں کارروائی کے دوران20مشتبہ افراد گرفتار ہو گئے، بڑی مقدار میں اسلحہ و گولہ بارود بھی برآمد ہوا، پاک فوج کے شعبہ تعلقات عامہ آئی ایس پی آر کے مطابق جمعرات کے روز ایف سی بلوچستان نے خفیہ اطلاع ملنے پر ڈیرہ مراد جمالی، پشتون آباد، سنگن اور شاہ ایگ میں جرائم پیشہ افراد کے خلاف آپریشن کیا، آپریشن کے دوران 20مشتبہ افراد گرفتار کیے گئے، دوسری جانب سیکیورٹی فورسز نے باجوڑ ایجنسی کی تحصیل سالارزئی میں کارروائی کی، کارروائی میں مختلف نوعیت کے ہتھیار اور مواصلاتی آلات برآمد ہوئے جو دہشتگردوں نے پہاڑوں میں بنائے گئے غاروں میں چھپارکھے تھے، سیکیورٹی فورسز نے خیبرپختون خوان کے مختلف علاقوں میں سرچ آپریشن کیا، آپریشن کے دوران مختلف نوعیت کا اسلحہ اور گولہ بارود شامل ہے، اسلحے میں اینٹی ٹینک فامئنز، راکٹ لانچر، پستولیں اور مشین گنز شامل ہیں۔