زینب کے والد نے سی سی ٹی وی فوٹیج سامنے آنے کے باوجود قاتل کو نہ پہچان پانے کی وجہ بتا دی

محمد علی بدھ 24 جنوری 2018 22:25

قصور (اردوپوائنٹ اخبارتازہ ترین۔24 جنوری 2018ء) زینب کے والد نے سی سی ٹی وی فوٹیج سامنے آنے کے باوجود قاتل کو نہ پہچان پانے کی وجہ بتا دی ہے۔ تفصیلات کے مطابق زینب کے والد کی جانب سے نجی ٹی وی چینل کے پروگرام سے گفتگو کرتے ہوئے زینب کے قاتل کے حوالے سے مزید انکشافات کیے گئے ہیں۔ ایک سوال کے جواب میں زینب کے والد نے بتایا کہ قاتل عمران ان کا محلے دار ہی تھا تاہم اس کے باوجود وہ سی سی ٹی فوٹیج دیکھ کر اسے پہچان نہیں پائے۔

(جاری ہے)

زینب کے والد نے بتایا ہے کہ چونکہ ان کا عمران کیساتھ زیادہ میل جول نہیں تھا اور وہ اسے صحیح سے جانتے بھی نہیں تھے، اسی لیے وہ سی سی ٹی وی فوٹیج دیکھ کر اسے پہچان نہ پائے۔ زینب کے والد کا مزید کہنا ہے کہ وہ تو عمران کو پہچان نہ پائے تاہم قاتل کے اہل خانہ کو تو سی سی ٹی وی فوٹیج دیکھ کر سب معلوم ہو ہی گیا تھا۔ پھر بھی انہوں نے کسی کو کچھ نہیں بتایا۔ اس لیے وہ عمران کے اہل خانہ کو بھی شریک جرم سمجھتے ہیں۔

Facebook Twitter Google + Share on Whatsapp

زینب کے والد نے سی سی ٹی وی فوٹیج سامنے آنے کے باوجود قاتل کو نہ پہچان پانے کی وجہ بتا دی

متعلقہ عنوان :

مزید اہم خبریں