بلوچستان حکومت کی کابینہ کا پہلا اجلاس ، سبی میں میر چاکر خان یونیورسٹی کے قیام ،
صحبت پور ضلع برقرار ، لہڑی ضلع سبی کا حصہ ہو گا،معذور افراد کے کوٹہ پر عملدر آمد کویقینی بنایا جائے گا، صوبائی وزیر داخلہ بلوچستان میر سرفراز بگٹی کی کابینہ اجلاس کے بعد پریس کانفرنس
بدھ 24 جنوری 2018 22:22
(جاری ہے)
ان خیالات کااظہار انہوں نے کابینہ اجلاس کے اختتام پر صوبائی وزیر تعلیم طاہر محمودخان، وزیراعلیٰ کے مشیر میر ضیاء لانگو کے ہمراہ پریس کانفرنس سے خطاب کرتے ہوئے صوبائی وزیر داخلہ میر سرفراز بگٹی نے کہا کہ کابینہ اجلاس میں فیصلہ کیا گیا کہ معذور افراد کے حوالے سے سوشل ویلفیئرمحکمہ کے ذریعے صوبے بھر میں سروے کیا جائے گا۔
جس کے بعد ان معذور افراد کو ایک کارڈ ایشو کر یں گے۔ جس کے تحت ہر ماہ ان مزدور افراد کو رقم کی ادائیگی ہو گی۔ جس سے ان کی گزر بسر ہو سکے گا۔ اسی طرح معذور افراد کے کوٹے پر عمل درآمد کو یقینی بنانے کی ہدایت کی گئی ہے۔ انہوں نے کہا کہ کابینہ میں فیصلہ کیا گیا کہ لہڑی سبی ضلع کا حصہ ہو گاجبکہ صحبت پور ضلع برقرار رہے گا۔ عدالت نے کابینہ کے فیصلہ کرنے کے حوالے سے رائے مانگی تھی۔ انہوں نے کہا کہ کابینہ کا اجلاس میں فیصلہ کیا گیا سبی میں میر چاکر خان یونیورسٹی کے قیام عمل میں لائی جائے گی تاکہ سبی اور گردو نواح کے طلباء وطالبات کو تعلیم کی سہولت فراہم ہو سکے۔ انہوں نے کہا کہ وزیراعلیٰ بلوچستان نے خصوصی ہدایت کی ہے کہ مختلف چیک پوسٹوں پر بھتہ لینے والوں کے خلاف سخت کارروائی ہو گی۔اس کے لئے میڈیا ، عوام اور ٹرانسپورٹرتعاون کو یقینی بنائیں۔تاہم کسٹم سرحدوں پر سمگلنگ کی روک تھام کو یقینی بنایا جائے۔ ایک سوال کے جواب میں کہا کہ ہماری کوشش ہے کہ صوبے سے کرپشن کی لعنت کا خاتمہ ہو ۔ کیونکہ کرپشن کی وجہ سے صوبے کے مسائل میں اضافہ ہوا ہے۔ ایک اور سوال کے جواب میں کہا کہ کوئٹہ سیف سٹی پروجیکٹ پر ایک ہفتے کے اندر عمل درآمد ہو گا۔صوبائی وزیر داخلہ نے کہا کہ کابینہ اجلا س میں فیصلہ کیا گیا کہ ہر ہفتہ کابینہ کا اجلاس منعقد ہو گاتاکہ کم مدت میں صوبے کے عوام کو درپیش مسائل اور دیگر امور کو نمٹایا جا سکے ۔متعلقہ عنوان :
مزید اہم خبریں
-
لاہور : سولر پینلز کی قیمتوں میں مزید کمی
-
خواجہ سلمان رفیق کا پنجاب انسٹی ٹیوٹ آف کارڈیالوجی کا دورہ
-
وزیراعلیٰ پنجاب مریم نوا ز شریف کی جانب سے 100 گرام روٹی 16 روپے جبکہ 120 گرام نان 20 روپے مقرر
-
بڑے ریسٹورنٹس 50یا 100 روپے کی روٹی فروخت کر سکتے ہیں یہ ہماری ڈومین میں نہیں آتے
-
پیپلز پارٹی کاوفاقی کابینہ کا حصہ نہ بننے کافیصلہ حتمی ہے ،بلاول بھٹو زرداری
-
چیئرمین سینیٹ سید یوسف رضا گیلانی نے کراچی کے علاقے لانڈھی میں گاڑی پر ہونے والے خودکش دھماکے کی شدید الفاظ میں مذمت
-
افسوس! سعودی وزیرخارجہ پاکستان میں تھے کہ پی ٹی آئی رہنماء نے حکومت گرانے کا الزام لگا دیا
-
حکومت کا پٹرولیم مصنوعات کی قیمتیں ڈی ریگولیٹ کرنے پر غور
-
پنجاب میں 23 اپریل سے بارشوں کا نیا سلسلہ داخل ہو گا
-
موٹر ویز پر کسی صورت اوور لوڈ ٹرکوں کو گزرنے کی اجازت نہیں دی جائے گی اور ان پر بھاری جرمانے عائد کرنے کے ساتھ ساتھ موٹر ویز سے بھی اتار دیا جائے گا،علیم خان
-
اسرائیلی جنگی طیاروں کا جنوبی شام میں فوجی اڈے پر حملہ
-
قومی اسمبلی،بلاول بھٹو وزیرِ اعظم کی نشست پربیٹھ گئے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.