احتساب عدالت نے این آئی سی ایل کرپشن کیس کی سماعت 2فروری تک ملتوی کردی

بدھ 24 جنوری 2018 16:31

کراچی (اُردو پوائنٹ اخبارتازہ ترین - این این آئی۔ 24 جنوری2018ء) احتساب عدالت میں این آئی سی ایل میں کروڑوں روپے کرپشن کی سماعت فاضل جج کی عدم حاضری پر دو فروری تک ملتوی کر دی گئی ۔ احتساب عدالت میں این آئی سی ایل میں کروڑوں روپے کرپشن کی سماعت ہونا تھی ۔ عدالت میں سابق چیئرمین این آئی سی ایل ایاز خان نیازی سمیت 13 ملزمان پیش ہوئے ۔

(جاری ہے)

تاہم فاضل جج کی عدم حاضری پر تفتیشی افسر کا بیان مکمل نہ ہو سکا ۔

عدالت نے ریفرنس کی آئندہ سماعت کے لیے دو فروری کی تاریخ مقرر کر دی ۔ واضح رہے کہ ملزمان پر کورنگی کے علاقے میں این آئی سی ایل میں کی 10 ایکڑ زمین سستے داموں فروخت کرکے قومی خزانے کو کروڑوں روپے کا نقصان پہنچانے کا الزام ہے ۔ سابق چیئرمین این آئی سی ایل ایاز نیازی کا نام پیراڈائز لیکس میں بھی آ چکا ہے ۔