معروف ٹیکسی سروس اُوبر نے اپنے کرایوں میں اضافہ کر دیا

سمیرا فقیرحسین بدھ 24 جنوری 2018 15:18

لاہور (اُردو پوائنٹ تازہ ترین اخبار۔ 24 جنوری 2018ء): معروف ٹیکسی سروس کریم کے بعد اب اُوبر نے بھی اپنے کرایوں میں اضافہ کر دیا ہے ۔ اُوبر کا کہنا ہے کہ دنیا بھر میں اُوبر لوگوں کا اعتماد حاصل کرنے میں کامیاب ہوئی ۔ سروس استعمال کرنے والے کسٹمرز ایک آرام دہ، محفوظ اور پُر اعتماد سفر کی خواہش رکھتے ہیں جب کہ اُوبر ڈرائیورز یہی چاہتے ہیں کہ وہ اس سروس کے ذریعے زیادہ سے زیادہ پیسے کما سکیں۔

تاہم اُوبر نے ہمیشہ ہی اپنے کسٹمرز اور ڈرائیورز کی توقعات پر پورا اُترنے کی کوشش کی ہے۔ تاہم اُوبر کی سروس کو مزید بہتر اور پُر اعتماد بنانے اور پٹرولیم مصنوعات کی قیمتوں میں حالیہ اضافے کے پیش نظر کمپنی نے پاکستان میں اپنے ٹیکسی کرایوں میں اضافے کا فیصلہ کیا ہے۔ کمپنی نے اپنے کسٹمرز اور ڈرائیور پارٹنرز کو مد نظر رکھتے ہوئے ہی اپنے کرایوں میں اضافہ کیا۔

(جاری ہے)