ملک میں قرآن وسنت کے مطابق سزا دی جائے تو جرم کا ارتکاب ختم ہو جائے گا، شہریار آفریدی

بدھ 24 جنوری 2018 14:13

اسلام آباد ۔ (اُردو پوائنٹ اخبارتازہ ترین - اے پی پی۔ 24 جنوری2018ء) پاکستان تحریک انصاف کے رہنما رکن قو می اسمبلی شہریار آفریدی نے کہا ہے کہ پی ٹی آئی کے اراکین قومی وصوبائی اسمبلی نے اپنے استعفے چند دن قبل پارٹی کے چیئرمین کو تحریری طور پر پیش کردیئے ہیں، 14 دن بعد زینب کے قاتل کو جدید ٹیکنالوجی کی مد سے گرفتار کیا گیا ملک میں قرآن وسنت کے مطابق سزا دی جائے تو جرم کا ارتکاب ختم ہو جائے گا۔

(جاری ہے)

بدھ کو پارلیمنٹ ہائوس کے باہر میڈیاسے گفتگو کرتے ہوئے انہوں نے کہاکہ ہماری جماعت اتفاق رائے سے فیصلے کرتی ہے ، پی ٹی آئی کے اراکین قومی اسمبلی و صوبائی اسمبلی نے اپنے استعفے چند دن قبل پارٹی چیئرمین کے حوالے کردیئے ہیں۔ انہوں نے کہاکہ ظلم دن بدن بڑھتا جارہا ہے جس کی وجہ ہمارے ملک میں انگریز کا دیا ہوا قانون ہے اگر قرآن وسنت کے قوانین پر عمل ہوتا تو ہمارے ملک میں جرم آگے نہ بڑھتا بلکہ ختم ہو جاتا ۔ انہوں نے کہاکہ زینب کے قاتل کو جدید ٹیکنالوجی کی مدد سے چودہ دنوں بعد گرفتار کیا گیا ہے اسے سر عام سزائے موت دی جائے تا کہ آئندہ ایسے واقعات کی روک تھام ہو سکے۔

Facebook Twitter Google + Share on Whatsapp

ملک میں قرآن وسنت کے مطابق سزا دی جائے تو جرم کا ارتکاب ختم ہو جائے گا، شہریار آفریدی

مزید قومی خبریں