سندھ حکومت وقت ضائع کئے بغیر گھنٹوں میں کراچی میں احتجاج پر بیٹھے قبائلی عوام کے مطالبات کو پورا کرے،مولانا فضل الرحمن
راؤانوار کیاریاست سے طاقت ور ہیں جو کسی کے کنٹرول میں نہیں انہوں نے ریاست کے اندر ریاست قائم کر رکھی ہے شہید نقیب للہ محسود اور دیگر بے گناہ افراد کے سفاکانہ قتل پر پورا پاکستان فکر مند اور دکھی ہے۔ایک ظالم اور اسکی ٹیم کو انصاف کے کٹہرے میں کھڑا کرنے سے ہی عوام مطمئن ہوسکے گی اگر اسکی پشت پناہی کی گئی تو احتجاج پر بیٹھے قبائلی عوام صرف کراچی ہی میں نہیں پورے ملک میں احتجاج کو پھیلا نے پر مجبور ہوں گے،کو جمعیت علمائ اسلام صوبہ سندھ کے نائب امیر قاری محمد عثمان سے کراچی کی صورتحال پر گفتگو
منگل 23 جنوری 2018 22:17
(جاری ہے)
قاری محمد عثمان نے قائد جمعیت مولانا فضل الرحمن کو بتایا کہ راؤ انوار نے کراچی کے ایک ضلع ملیر میں اپنی ریاست قائم کررکھی تھی 14۔
نومبر کو2014 کراچی میں راؤ انوار نے جمعیت علمائ اسلام کے انتہائی مخلص اور اہم رہنمائ مفتی شاہ فیصل کو اسی طرح بے گناہ شہید کیا تھا۔ اس وقت کے آئی جی سندھ غلام حیدر جمالی نے ایڈشنل آئی جی کراچی کی سربراہی میں انکوائری کمیٹی بنائی تھی جس کا اب تک کوئی نتیجہ نہیں نکلا۔اسی طرح کوئی 150 جعلی پولیس مقابلوں میں 370 سے زائد افراد کو سفاکانہ طور پر قتل کیا ہے جو 98فیصد سے زائد بے گناہ پختون ہیں جن میں علمائ ،طلبائ اور قرائ کی بھی بڑی تعداد شامل ہے۔مولانا فضل الرحمن نے کہاکہ راؤ انوار کی گرفتاری میں تاخیر سندھ حکومت کی اچھی شہرت نہیں بلکہ شکوک شبہات میں اضافہ ہورہا ہے۔پولیس مقابلوں سے دہشت گردی ختم نہیں ہوسکتی۔ قانوں کی گرفت اور حکمرانی سے دہشت گردی کو ختم کیا جاسکتا ہے۔ انہوں نے کہا کہ دنیا میں جس ملک میں امن قائم ہے وہاں قانون کی گرفت مضبوط ہوتی ہے۔ روزانہ ہاتھوں میں ہتھکڑیاں پہنے ہوئے لوگوں کی لاشیں پاکستان کی خدمت نہیں بلکہ پاکستان کے ماتھے پر بد نما داغ ہے۔انہوں نے کہا کہ کیا پورے پاکستان کا ایک ضلع ملیر ہے جہاں کا ایس ایس پی ملک کا مسیحا ہی وہی ملک کو بچارہا ہے۔مولانا فضل الرحمن نے کہاکہ تمام جعلی پولیس مقابلوں کی عدالتی تحقیقات ہونی چاہئے۔کراچی کے ایک طبقے کا قتل عام کسی بھی صورت میں قابل قبول نہیں ہوگا۔ جعلی پولیس مقابلوں کے گھناؤنے جرم میں شامل ہر ایک کو نشان عبرت بنانا ہوگا ورنہ انصاف کے تقاضے پورے نہیں ہوں گے۔ آج ہزاروں خاندان ایک فرد کی وجہ سے اذیت کا شکار ہیں۔ اب یہ سلسلہ بند ہونا چاہئے۔ انہوں نے کہا کہ آج قبائلی مشران کراچی میں انصاف کے حصول کیلئے جمع ہیں اگر قبائل کو انکا حق صوبے کی صورت میں دیا گیا ہوتا تو آج ان مظالم کا شکار نہ ہو تے اور نہ ہی قبائلیوں پر دہشتگردی کا لیبل لگتا۔انہوں نے کہا کہ ایک وقت آئے گا کہ آج کے مخالفین ہماری رائے پر عمل نہ کرنے کا افسوس کریں گے۔ہم نے ہمیشہ ملک اور قوم کے مفاد کو ہر چیز پر مقدم رکھا ہے یہی وجہ ہے کہ ہم اپنے موقف پر قائم رہتے ہیں۔مزید قومی خبریں
-
حکومت کی اقتصادی حکمت عملی میں صنعتی ترقی اور برآمدات کا فروغ اولیں ترجیح ہے، بجٹ میں صنعتی پالیسی لا رہے ہیں‘رانا تنویر حسین
-
وزیرِاعلی سندھ نے پیپلزبس سروس آٹو میٹڈ فیئر کلکشن سسٹم کا افتتاح کر دیا
-
حکومت کسانوں، گندم کے مسئلے پر بہت فکر مند ہے‘ احسن اقبال
-
وزیراعلیٰ مریم نوازشریف کا راجن پور میں 8 سالہ بچی سے زیادتی کے واقعہ کا نوٹس
-
پاکستان انٹرنیشنل ایئرلائن آمدہ حج سیزن کے دوران تقریبا ً34 ہزار عازمین حج کو 170 پروازوں کے ذریعے حجازمقدس پہنچائے گی
-
وزیرمواصلات عبدالعلیم خان کا سمبڑیال کھاریاں موٹروے کا فضائی دورہ
-
9 مئی واقعات کی شفاف تحقیقات کے بغیرملک آگے نہیں بڑھ سکتا ، زرتاج گل
-
کلر کہار، ڈرائیور اپنے کی ٹریکٹر کی زد میں آ کر جاں بحق
-
9 مئی: عمرسرفرازچیمہ کی درخواست ضمانت پرسرکاری وکیل سے دلائل طلب
-
9 مئی : ڈاکٹر یاسمین راشد کی ضمانت کی درخواستوں پر پراسیکیوشن کو کل تک مہلت
-
ٹرانسپورٹرز کے جائز مسائل حل کئے جائیں گے ،انسداد سمگلنگ کارروائی جاری رہے گی ،میرسرفرا زبگٹی
-
گورننس کی بہتری کیلئے اقدامات اٹھا ئے جا رہے ہیں ،سول سروسز کے تمام گروپس کو ساتھ دینا ہوگا،وزیر اعلی بلوچستان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.