حکومتی اقدامات اور پالیسیوں کی وجہ سے گلگت بلتستان ترقی کی راہ پر گامزن ہوا ہے‘حافظ حفیظ الرحمن

منگل 23 جنوری 2018 14:14

گلگت۔ (اُردو پوائنٹ اخبارتازہ ترین - اے پی پی۔ 23 جنوری2018ء)وزیر اعلیٰ گلگت بلتستان حافظ حفیظ الرحمن نے کہا ہے کہ پرنس کریم آغاخان کا ویژن انسانیت کی فلاح و بہبود اورخدمت ہے۔ گلگت بلتستان میں صحت اورتعلیم کے حوالے سے ان کی خدمات قابل تحسین ہیں۔ وزیر اعلیٰ گلگت بلتستان حافظ حفیظ الرحمن نے کہا ہے کہ آغا خان ہیلتھ سنٹرز کی بندش کے حوالے سے ملازمین کے خدشات اورتحفظات سے کے سی ای او اور اسماعیلی نیشنل کونسل کے صدر کو بھی آگاہ کیا جائے گا ۔

ان خیالات کا اظہار وزیر اعلیٰ گلگت بلتستان حافظ حفیظ الرحمن نے آغا خان ہیلتھ سنٹرز کے ملازمین کے وفد سے گفتگو کرتے ہوئے کیا۔ بعدازاں وزیر اعلیٰ گلگت بلتستان حافظ حفیظ الرحمن نے مختلف وفود سے گفتگوکرتے ہوئے کہا کہ حکومت نے عوام کے مسائل حل کرنے اور بنیادی سہولیات عوام کے دہلیز پر یقینی بنانے کے لئے بھرپور اقدامات کئے ہیں۔

(جاری ہے)

وزیر اعلیٰ گلگت بلتستان حافظ حفیظ الرحمن نے کہاکہ علاقے کی فلاح و بہبود اور تعمیر و ترقی کو عملی جامعہ پہنانے کیلئے تمام اضلاع میں بلاتفریق میگا پروجیکٹس پرکام جاری ہے۔

وزیر اعلیٰ گلگت بلتستان حافظ حفیظ الرحمن نے کہاکہ حکومتی اقدامات اور پالیسیوں کی وجہ سے گلگت بلتستان ترقی کی راہ پر گامزن ہوا ہے جس کو مسلم لیگ(ن) کی حکومت ہی عملی جامعہ پہنائے گی اور تمام منصوبوں کو 5 سالہ دورحکومت میں ہی مکمل کیا جائے گا۔

Facebook Twitter Google + Share on Whatsapp

حکومتی اقدامات اور پالیسیوں کی وجہ سے گلگت بلتستان ترقی کی راہ پر گامزن ہوا ہے‘حافظ حفیظ الرحمن

مزید اہم خبریں