وزیراعلیٰ شہبازشریف کا آئندہ نوٹس پرنیب کیساتھ عوامی عدالت میں بھی جانے کااعلان
آئندہ الیکشن جیت کراحتساب کےنئے نظام کے تحت قوم کی لوٹی دولت واپس لائیں گے،جس طرح آج مجھے چائے پربلایا گیااس طرح مخالفین کونہیں بلایاجاتا،چیئرمین نیب نےرائیونڈ کیس کھولا،لیکن مشرف کے سیکرٹری ارشد وحید کوکلین چٹ دے دی۔وزیراعلیٰ پنجاب کی پریس کانفرنس
ثنااللہ ناگرہ پیر 22 جنوری 2018 17:58
(جاری ہے)
مجھ پرقوانین کی خلاف ورزی کاالزام عائد کیا گیا۔
انہوں نے کہاکہ رولز آف بزنس کے مطابق حکومت کوترقیاتی منصوبوں کاجائزہ لینا ہوتاہے۔ترقیاتی منصوبوں کوبنانے والی کمپنیاں 100فیصد حکومت کی کمپنیاں ہوتی ہیں اور بورڈز کے چیئرمین بھی حکومت تعینات کرتی ہے جبکہ حکومت ہی فنڈز فراہم کرتی ہے۔جبکہ ان منصوبوں اور فنڈز کی نگرانی حکومتوں کی ہوتی ہے۔میں نے نیب حکام سے کہاکہ اگرقوم کاپیسا بچانااور کرپشن روکنا جرم ہے اگر میں نے اس کیلئے حدیں پھلانگی ہیں توایک ہزاربار لائن کراس کروں گا۔انہوں نے کہاکہ کل چنیوٹ کے حوالے سے اشتہارآیاتھا۔2007ء میں پرویز مشرف کے سیکرٹری ارشد وحید کوبغیربولی اور ٹینڈرکے چنیوٹ کاٹھیکہ دیاگیا۔معاہدہ بھی دستخط ہوگیا۔80فیصد شیئران کودے دیے گئے۔یہ ٹھیکہ جس کی مالیت 4ارب ڈالر تھی۔جب لاہورہائیکورٹ نے 2010ء میں فیصلہ دیاکہ یہ بہت بڑا فراڈ ہواہے،توانہوں نے اس کونیب کے حوالے کرنے کافیصلہ دیا۔کہ انکوائری کی جائے۔میں ان سے کہاکہ کیاآپ نے اس کی انکوائری کی؟ لیکن نیب نے 14مئی 2013ء کو ارشد وحید کوکلین چٹ دے دی۔انہوں نے کہاکہ رائیونڈ روڈ کاکیس جوبندہوگیاتھا وہ تودوبارہ کھول دیا ،جبکہ یہ کیس 2014ء میں بند کردیاگیاتھا۔لیکن نیب کے نئے چیئرمین کویہ توفیق نہیں ہوئی کہ اس کیس کودوبارہ کھول دیتی۔اس سے بڑادھوکہ اور غریب عوام کے زخموں کونمک چھڑکنا اور کیا ہوسکتاہے؟ انہوں نے کہاکہ چیئرمین نیب نے پنجاب کی 56کمپنیوں کاریکارڈ منگوا لیاہے۔انہوں نے کہاکہ مجھے نیب حکام نے پوچھا کہ آپ نے چوہدری لطیف کامعاہدہ کینسل کرکے آشیانہ ہاؤسنگ میں 193ملین کانقصان پہنچایا۔پی ایل ڈی سی نے چوہدری لطیف کا معاہدہ منسوخ کیا۔چوہدری لطیف کومنسوخ کرکے کاسا کوکنٹریکٹ دے دیا۔یہ کنٹریکٹ ہاؤسنگ اسکیم کا نہیں بلکہ انفراسٹرکچرکے لیے تھا۔شہبازشریف نے مجھے بتایا کہ جب مجھے اطلاع ملی کہ کنٹریکٹ میں گڑبڑ ہوئی توکمیٹی بنادی۔طارق باجوہ کی کمیٹی انکوائری میں یہ باتیں ثابت ہوگئیں۔میں سی سی اوکوفوری معطل کیااور ایل ڈی اے کومعاملہ سونپ دیا۔کنٹریکٹ کیلئے 51درخواستیں آئیں۔شہبازشریف نے کہاکہ میں نے نیب حکام کوبتایاکہ میں نے ایکشن لیااو راینٹی کرپشن سے انکوائری کروائی۔اگر میں ایسا نہ کرتاتوآ ج آپ بھی مجھ موردالزام ٹھہراتے ۔جس پرنیب حکام چپ ہوگئے۔انہوں نے کہاکہ جنرل کیانی کازمانہ تھا جس نے رینجرزسے زمین واپس کروائی۔آشیانہ قائداعظم میں 1700گھر بنائے گئے۔آشیانہ قائداعظم ہاؤسنگ کی فنڈنگ پنجاب بینک نے کی ہے۔انہوں نے کہاکہ وہاں گھروں میں بے سہارا اور غریب لوگ مقیم ہیں۔غریب آدمی کوسبسڈی دینی پڑتی ہے ورنہ وہ ایک کمرہ بھی نہیں بناسکتے۔انہوں نے کہاکہ پبلک پرائیویٹ پارٹنرشپ کااصول پوری دنیامیں موجودہے۔انہوں نے کہاکہ احتساب کا نیا نظام لائیں گے اور نئے نظام کے تحت دنیا کے جس کونے میں بھی قوم کی لوٹی ہوئی دولت ہے وہ واپس لے کرآئیں گے۔ نیب نے مجھے بدنیتی پربلایا ۔نیب میں اربوں کی کرپشن کے کیسز پڑے ہیں لیکن ایکشن نہیں لیا جاتا۔ انہوں نے کہا کہ جس طرح آج مجھے چائے پربلایا گیا اس طرح مخالفین کونہیں بلایا جاتا۔ کیاقوم کاپیسا بچانا جرم ہے؟ اگر یہ جرم ہے تویہ جرم ہزاربار کروں گا۔آئندہ نیب بلائے گا توآئین و قانون کی حکمرانی کیلئے ضرور جاؤں گا۔لیکن آئندہ نوٹس ملاتونیب کے ساتھ عوامی عدالت میں بھی جاؤں گا۔انہوں نے کہا کہ الیکشن آتے جاتے رہتے ہیں لیکن احتساب کاکڑاعمل جاری رہنا چاہیے۔متعلقہ عنوان :
مزید اہم خبریں
-
اسپیکر قومی سردار ایاز صادق سے قازقستان کے سفیر یرژان کستافین کی ملاقات
-
وفاقی وزیر داخلہ سید محسن نقوی کی زیر صدارت نیکٹا ہیڈکوارٹر میں نیشنل ایکشن پلان عمل درآمد جائزہ کمیٹی کا اجلاس
-
اسلام آباد ہائیکورٹ کی پرویزالہٰی کی صحت سے متعلق میڈیکل رپورٹ اورپمزہسپتال انتظامیہ کو بھی اڈیالہ جیل کا دورہ کرکے رپورٹ پیرکو پیش کرنے کی ہدایت
-
8 فروری کے فراڈ الیکشن کی بینی فشری پیپلزپارٹی، ن لیگ اور ایم کیوایم ہیں
-
سولر پینلز کی قیمتوں میں مزید کمی
-
خواجہ سلمان رفیق کا پنجاب انسٹی ٹیوٹ آف کارڈیالوجی کا دورہ
-
وزیراعلیٰ پنجاب مریم نوا ز شریف کی جانب سے 100 گرام روٹی 16 روپے جبکہ 120 گرام نان 20 روپے مقرر
-
بڑے ریسٹورنٹس 50یا 100 روپے کی روٹی فروخت کر سکتے ہیں یہ ہماری ڈومین میں نہیں آتے
-
پیپلز پارٹی کاوفاقی کابینہ کا حصہ نہ بننے کافیصلہ حتمی ہے ،بلاول بھٹو زرداری
-
چیئرمین سینیٹ سید یوسف رضا گیلانی نے کراچی کے علاقے لانڈھی میں گاڑی پر ہونے والے خودکش دھماکے کی شدید الفاظ میں مذمت
-
افسوس! سعودی وزیرخارجہ پاکستان میں تھے کہ پی ٹی آئی رہنماء نے حکومت گرانے کا الزام لگا دیا
-
حکومت کا پٹرولیم مصنوعات کی قیمتیں ڈی ریگولیٹ کرنے پر غور
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.