سابق چیف جسٹس افتخار محمد چوہدری کی جانب سے عمران خان کے خلاف دائر دو کروڑ روپے ہرجانہ کیس کی سماعت 27 فروری تک ملتوی

پیر 22 جنوری 2018 17:00

اسلام آباد ۔ (اُردو پوائنٹ اخبارتازہ ترین - اے پی پی۔ 22 جنوری2018ء) ڈسٹرکٹ اینڈ سیشن جج( ویسٹ )واجد علی نے سابق چیف جسٹس افتخار محمد چوہدری کی جانب سے چیئرمین پی ٹی آئی عمران خان کے خلاف دائر دو کروڑ روپے ہرجانہ کیس کی سماعت 27 فروری تک ملتوی کر دی ہے۔

(جاری ہے)

پیر کو عدالت نے کیس کی سماعت کی تو فاضل جج نے ریمارکس دیئے کہ جب تک اسلام آباد ہائی کورٹ کا فیصلہ نہیں آتا کیس کی سماعت نہیں کی جا سکتی۔

عدالت نے کیس کی سماعت 27 فروری تک ملتوی کر دی۔واضح رہے کہ پاکستان تحریک انصاف کے چیئرمین عمران خان نے سابق چیف جسٹس پر انتخابات میں اثر انداز ہونے کا الزام عائد کیا تھا جس پر سابق چیف جسٹس افتخار محمد چوہدری نے عمران خان کے خلاف 2کروڑ روپے ہرجانہ بطور ہتک عزت کا دعوی دائر کیا تھا۔ عمران خان نے مذکورہ کیس کو اسلام آباد ہائی کورٹ میں چیلنج کر رکھا ہے۔