جمعرات کو ٹریفک حادثے میں 6بیٹوں اور بیوی سے محروم ہونے والے سعودی شہری کے لیے خادم حرمین شریفین کی جانب سے گھر اور گاڑی کی امداد

سعدیہ عباس پیر 22 جنوری 2018 14:40

ریاض (اردوپوائنٹ تازہ ترین اخبار ۔22جنوری2018ء) مقامی ذرائع کے مطابق خادم حرمین شریفین شاہ سلمان بن عبدالعزیز نے جازان ریجن کی صبیا کمشنری کے ماتحت القدمی تحصیل میں جمعرات کو ٹریفک حادثے میں 6بیٹوں اور بیوی سے محروم ہونے والے سعودی شہری سامی النامی کو مکان اور کار فراہم کرنے کا حکم جاری کردیا۔

(جاری ہے)

قائم مقام گورنر شہزادہ محمد بن عبدالعزیز بن محمد نے یہ اطلاع دیتے ہوئے واضح کیا کہ شاہ سلمان نے مذکورہ فرمان انسانیت نوازی اور اپنے عوام کے دکھ درد میں حصہ لینے کے جذبے سے جاری کیا ہے۔ اس پر وہ ہم سب کے شکریہ کے مستحق ہیں۔ اللہ تعالی سے دعا ہے کہ وہ اس کار خیر کو انکے اعمال نامے کا روشن حصہ بنادے۔