پولیو مہم کے دوران پانچ سال سے کم عمر کے تین کروڑ 80 لاکھ بچوں کو پولیو کے قطرے پلائے گئے، رانا محمد صفدر

پیر 22 جنوری 2018 12:23

اسلام آباد ۔ (اُردو پوائنٹ اخبارتازہ ترین - اے پی پی۔ 22 جنوری2018ء) پاکستان میں پولیو کے خاتمہ کے پروگرام کے نیشنل کوآرڈینیٹر رانا محمد صفدر نے کہا ہے کہ پولیو مہم کے دوران پانچ سال سے کم عمر کے تین کروڑ 80 لاکھ بچوں کو پولیو کے قطرے پلائے گئے۔ انہوں نے کہا کہ پنجاب میں پانچ سے کم عمر کے ایک کروڑ 91 لاکھ 50 ہزار بچوں، خیبرپختونخوا میں 56 لاکھ 80 ہزار بچوں، سندھ میں 87 لاکھ بچوں، بلوچستان میں 24 لاکھ 60 ہزار بچوں، فاٹا میں 10 لاکھ تین ہزار بچوں، آزاد جموں و کشمیر میں 7 لاکھ 40 ہزار، گلگت بلتستان میں 2 لاکھ 37 ہزار بچوں اور اسلام آباد میں تین لاکھ 13 ہزار بچوں کو پولیو سے بچائو کی ویکسین دی جائے گی۔

انہوں نے کہا کہ مہم کے دوران 4 کروڑ 25 لاکھ ویکسین کی خوارکیں استعمال ہوں گی۔

(جاری ہے)

انہوں نے کہا کہ حکمت عملی کے تحت کراچی میں پولیو مہم رواں ماہ 22 سے 28 جنوری کو شروع ہو گی اور 6 ہزار ہیلتھ ورکر گھر گھر جا کر بچوں کو پولیو سے بچائو کے قطرے پلائیں گے۔ رانا محمد صفدر نے کہا کہ گذشتہ برس پولیو کے 8 کیسز رپورٹ ہوئے تھے۔ انہوں نے کہا کہ اس وقت ملک بھر میں پولیو کے کیسز سب سے زیادہ کراچی اور قلعہ سیف الله میں پائے جانے کے خدشات ہیں اور ہم ان شہروں پر سب سے زیادہ توجہ مرکوز کر رہے ہیں۔ انہوں نے کہا کہ پہلی مرتبہ ملک سے پولیو وائرس کے مکمل خاتمہ کو یقینی بنانے کیلئے سالانہ مہم کے ساتھ ساتھ ملک گیر انسداد پولیو کی مہمات آئندہ 9 ماہ کے دوران شروع کی جائیں گی۔

Facebook Twitter Google + Share on Whatsapp

پولیو مہم کے دوران پانچ سال سے کم عمر کے تین کروڑ 80 لاکھ بچوں کو پولیو کے قطرے پلائے گئے، رانا محمد صفدر

متعلقہ عنوان :

مزید قومی خبریں