زرین خان کی سلمان خان کے لیے محبت چھلکنے لگی

اداکارہ نے اپنی حقیقی اداکاری کی وجہ سے سب کو اپنا گرویدہ بنالیا سلمان خان وہ واحد شخص ہیں جن کی دل سے عزت کرتی ہوں‘زرین خان

پیر 22 جنوری 2018 11:51

ممبئی(اُردو پوائنٹ اخبارتازہ ترین - این این آئی۔ 22 جنوری2018ء) بالی ووڈ اداکارہ زرین خان نے بالی ووڈ سلطان سلمان خان سے متعلق کہا ہے کہ سلمان خان اٴْن کے لیے سب سے خاص ہیں اور اٴْن کے دل کے سب سے قریب بھی ہیں۔فلم ’’ویر‘‘ سے ڈیبیو کرنے والی اداکارہ زرین خان کی قسمت اٴْس وقت بدلی جب اٴْنہیں بالی ووڈ سلطان سلمان خان نے متعارف کرایا بعدازاں اداکارہ نے اپنی حقیقی اداکاری کی وجہ سے سب کو اپنا گرویدہ بنالیا یہ سب کچھ بالی ووڈ کے رابن ہڈ سلمان خان کا ہی دیا ہوا موقع ہے لیکن اب زرین خان دبنگ خان پر کچھ زیادہ ہی مہربان ہونے لگیں اور یہ مہربانی اتنی بڑھ گئی کہ وہ سلمان خان کو اپنے دل کے سب سے قریب سمجھتی ہیں۔

بھارتی میڈیا رپورٹس کے مطابق خوبرو اداکارہ زرین خان کا سلمان خان کی تعریف کرتے ہوئے کہنا ہے کہ سلمان ایک ایسے شخص ہیں جو میرے لیے بہت خاص ہیں اور میرے دل کے بہت قریب رہتے ہیں کیوں کہ میں نے فلم انڈسٹری میں آنے کا نہیں سوچا تھا اور نہ ہی میرا کوئی ارادہ تھا لیکن آج میں جو کچھ بھی ہوں سلمان کی وجہ سے ہی ہوں۔

(جاری ہے)

زرین خان نے کہا کہ ڈیبیو کرنا میرے لیے ایک خواب کا درجہ رکھتا ہے کیوں کہ بہت سے لوگ اداکار بننے کے خواب کو لے کر آگے بڑھتے ہیں اور خواب کی تکمیل کے لیے لوگ اپنا گھر تک چھوڑ چھاڑ کر ممبئی آجاتے ہیں جوکہ بعض اوقات پورا بھی نہیں ہوتا لیکن اس معاملے میں میری قسمت بہت اچھی ہے سلمان خان وہ واحد شخص ہیں جن کی میں دل سے عزت کرتی ہوں، انہوں نے میرے لیے بہت کچھ کیا جس کے لیے میں اٴْن کی شکر گزار ہوں۔

متعلقہ عنوان :