فلم ہندی میڈیم نے فلم فیئر ایوارڈ 2018ء اپنے نام کر لیا

ممبئی (اُردو پوائنٹ اخبارتازہ ترین - این این آئی۔ 22 جنوری2018ء) 63 ویں فلم فیئر ایوارڈز میں عرفان خان کو بہترین اداکار اور ودیا بالن کو بہترین اداکارہ کا فلم فیئر ایواڑ دیا گیا۔فلم فیئر ایوارڈز کی کرٹیکس کٹیگری میں راج کمار راؤ کو بہترین اداکار اور زائرہ وسیم کو بہترین اداکارہ کا ایوارڈ دیا گیا۔ فلم ہندی میڈیم کو بیسٹ فلم اور نیوٹن کو بیسٹ فلم کرٹیک کا ایوارڈ دیا گیا ہے۔

بہترین ڈائریکٹر کا ایوارڈ بریلی کی برفی فلم کے ڈائریکٹر اشونی ائیر تیواری کو دیا گیا جبکہ بیسٹ اوریجنل سٹوری کا ایوارڈ نیوٹن فلم کے لئے امت ماسورکر کو دیا گیا۔ بیسٹ ایکٹر سپورٹنگ رول (میل) کا خطاب راج کمار راؤ نے اپنے نام کیا تو بیسٹ ایکٹر سپورٹنگ رول (فی میل) کا ایوارڈ فلم سیکریٹ سپر سٹار کیلئے میہر وج نے حاصل کیا۔

(جاری ہے)

اتوار کو ممبئی میں ہونے والے ایوارڈز کی تقریب میں بہترین فلم کی کیٹیگری کے لئے ورون دھون اور عالیہ بھٹ کی کی ’بدریناتھ کی دلہنیا‘، اکشے کمار اور بھومی پیڈنیکر کی بلاک بسٹر ٹوائلٹ ایک پریم کتھا، عرفان خان اور صبا قمر کی ہندی میڈیم، ایشوینی ایئر تیواڑی کی ہٹ فلم بریلی کی برفی اور عامر خان کی سیکریٹ سپر سٹار کے درمیان مقابلہ تھا۔

ارجیت سنگھ کو فلم بدری ناتھ کی دلہنیا کے گانے ’روکے نہ رکے نینا پر بہترین پلے بیک سنگر (میل) جبکہ میگھنا مشرا کو سیکریٹ سپر سٹار کے گانے نچ کی پھراں پر بہترین پلے بیک سنگر (فی میل) کے ایوارڈ سے نوازا گیا۔بھارتی سنیما کے لئے خدمات کے اعتراف میں ماضی کی نامور اداکارہ مالا سنہا اور گلوکار و موسیقار بپی لہری کو لائف ٹائم اچیومنٹ ایواڈ دیا گیا۔