سینیٹ قائمہ کمیٹی داخلہ کا اجلاس آج ہوگا،زینب کیس بارے بریفنگ دی جائے گی

اتوار 21 جنوری 2018 20:12

اسلام آباد(اُردو پوائنٹ اخبارتازہ ترین - آن لائن۔ 21 جنوری2018ء) سینٹ قائمہ کمیٹی برائے داخلہ کا اجلاس آج (پیر کو) ہوگا ،اجلاس میں قصور میں قتل ہونے والی 8سالہ بچی زینب کے قاتلوں کی گرفتاری کے سلسلے میں اٹھائے جانے والے اقدامات کے بارے میں کمیٹی کو اگاہ کیا جائے گا جبکہ وزارت داخلہ کی جانب سے ای سی ایل پالیسی پر بریفنگ دی جائے گی کمیٹی کا اجلاس چیرمین سینیٹر رحمن ملک کی سربراہی میں پارلیمنٹ ہائوس میں منعقد ہوگا اجلاس میں سینیٹر روبینہ خالد کی جانب سے خواجہ سرائوں کے تحفظ اور حقوق ترمیمی بل ،سینیٹر سراج الحق کی جانب سے اسلام آباد میں قرضوں پر شرح سود کے امتناع کا بل اور سینیٹر اعظم سواتی کی جانب سے سینٹ میں پیش کئے جانے والے بل پر بحث ہوگی اجلاس میں سانحہ قصور کے حوالے سے اب تک ہونے والی پیش رفت اور ای سی ایل پالیسی پر بریفنگ دی جائے گی ۔

اعجاز خان