کراچی، بہادر آباد سے گرفتار اے ٹی ایم اسکینڈل میں ملوث چینی باشندے کو 14 روزہ عدالتی ریمانڈ پر جیل روانہ کر دیاگیا

ہفتہ 20 جنوری 2018 18:39

کراچی (اُردو پوائنٹ اخبارتازہ ترین - این این آئی۔ 20 جنوری2018ء) جوڈیشل مجسٹریٹ شرقی نے ایف آئی اے کے ہاتھوں بہادر آباد سے گرفتار اے ٹی ایم اسکینڈل میں ملوث چینی باشندے کو 14 روزہ عدالتی ریمانڈ پر جیل روانہ کر دیا ۔ عدالت نے ایف آئی اے کے تفتیشی افسر کو ملزم کے خلاف چالان پیش کرنے کا حکم بھی دیا ۔

(جاری ہے)

جوڈیشل مجسٹریٹ شرقی کے روبرو ایف آئی اے حکام نے بہادر آباد سے گرفتار چینی شہری زوپو ئیننگ کو پیش کیا ۔

تفتیشی افسر نے عدالت کو بتایا کہ ملزم اے ٹی ایم سے کیش اور ڈیٹا نکالتا تھا ۔ ملزم سے گرفتاری کے وقت پاکستانی 6 لاکھ روپے بھی برآمد کیے ہیں ۔ عدالت نے ملزم کو عدالتی تحویل میں جیل روانہ کرتے ہوئے تفتیشی افسر کو ملزم کے خلاف چالان پیش کرنے کا حکم دیا ۔ واضح رہے کہ ملزم کے خلاف سائبر ایکٹ کے تحت مقدمات درج ہیں ۔