پرسوں رات لاہور میں سازشیوں کی پوری بٹالین عوام سے شکست کھا گئی ہے ،ْمریم نواز

،ْمخالفین کے منہ پر بارہ بجے ہوئے تھے ،ْ 2018میں انشاء اللہ مخالفین کو ناکامی ہوگی ،ْ خالی کرسیاں ووٹ نہیں دیتی پھر دھاندلی کا رونا دھونا مت رونا ،ْپارلیمنٹ کو گالی دے کر ناکامی کا بدلہ لیا گیا ،ْ اگر چار پانچ سال کام کیا ہوتا تو امپائر کی انگلی کا سہارا نہ لینا پڑتا ،ْجلسے سے خطاب

ہفتہ 20 جنوری 2018 17:37

پرسوں رات لاہور میں سازشیوں کی پوری بٹالین عوام سے شکست کھا گئی ہے ،ْمریم ..
ہری پور (اُردو پوائنٹ اخبارتازہ ترین - این این آئی۔ 20 جنوری2018ء) پاکستان مسلم لیگ (ن)کی رہنما ،ْ سابق وزیر اعظم محمد نواز شریف کی صاحبزادی مریم نواز نے کہا ہے کہ پرسوں رات لاہور میں سازشیوں کی پوری بٹالین عوام سے شکست کھا گئی ہے ،ْمخالفین کے منہ پر بارہ بجے ہوئے تھے ،ْ 2018میں انشاء اللہ مخالفین کو ناکامی ہوگی ،ْ خالی کرسیاں ووٹ نہیں دیتی پھر دھاندلی کا رونا دھونا مت رونا ،ْپارلیمنٹ کو گالی دے کر ناکامی کا بدلہ لیا گیا ،ْ اگر چار پانچ سال کام کیا ہوتا تو امپائر کی انگلی کا سہارا نہ لینا پڑتا۔

ہفتہ کو یہاں جلسے سے خطاب کرتے ہوئے مریم نواز نے کہاکہ مسلم لیگ (ن)ضمنی انتخابات میں پہلا مزہ سازشیوں کو ہری پور میں چکھایا تھا ،ْ آپ نے 2013سے بھی زیادہ ووٹ دیکر میرے بھائی بابر نواز کو بڑی لیڈ سے کامیاب کرایا تھا ،ْ ڈیڑھ لاکھ کے قریب ووٹ لئے تھے اور ایک مثال قائم کی تھی اور اس کے بعد یہ سلسلہ رکانہیں ۔

(جاری ہے)

مریم نواز نے کہاکہ 2017میں منتخب وزیر اعظم کو پانچ ججوں نے اقامہ پر گھر بھیجا تو عوام نے مسلم لیگ (ن)کے حق میں فیصلہ دیا ،ْ انہوںنے کہاکہ ہر ضمنی انتخاب میں عوام نے نوازشریف کو پہلے سے بڑھ کر ووٹ دیئے۔

مریم نواز نے کہاکہ پرسوں رات لاہور میں سازشیوں کی پوری بٹالین عوام سے شکست کھا گئی ہے ۔ مریم نواز نے کہاکہ میں نوازشرزیف کے ساتھ جہاں بھی جاتی ہوں استقبال کیلئے عوام کا سمندر امڈ آتا ہے ،ْایک وہ ہے جو جہا جاتا ہے خالی کرسیوں کا سمندر امڈ آتا ہے ۔انہوںنے کہاکہ یہ کیسی نا اہلی ہے اقامہ کے سزا وار عوام کی محبتیں سمیٹ رہے ہیں اور اقامہ ،ْ پانامہ کر نے والے آج خالی کرسیوں کو رو رہے ہیں ۔

انہوںنے کہاکہ جگہ جگہ نوازشریف پر محبتیں نچھاور ہورہی ہیں یہ نوازشریف کی برسوں کی کمائی ہے جو نوازشریف نے آپ کی خدمت کر کے کمائی ہے ۔مریم نواز نے کہاکہ جب آپ نواز شریف کے مخالفین کا نام لیتے ہیں تو آپ کو کیا یاد آتا ہے ،ْ اس وقت دھاندلی کا رونا دھونا یاد آتا ہے ،ْ 2018میں انشاء اللہ ان کو ناکامی ہوگی تو دھاندلی کا رونا مت رونا کیونکہ خالی کرسیاں ووٹ نہیں دیتیں ۔

انہوںنے کہاکہ مخالفین کو پے در پے شکست ہورہی ہی،ْ مخالفین کے منہ پر بارہ ایسے نہیں بجے ،ْ انہیں نظر آرہا ہے کہ دو ہزارہ اٹھارہ میں عوام مسلم لیگ (ن)کو پھر کامیاب کرائینگے ۔انہوںنے کہاکہ نوازشریف کے مخالفین نہ حکومت گرا سکے ،ْ نہ استعفیٰ لے سکیں ،ْ نہ وقت سے پہلے الیکشن کرا سکے ،ْ نہ پانامہ میں سزا دلوا سکے اور نا اہلی کیلئے بھی ان کو کسی کی طرف دیکھنا پڑا ،ْ اقامہ پر مقدمہ ختم ہو توان لوگوں نے سوچا تھا پتہ نہیں کیا ہوگا آج نواز شریف جہاں جاتے ہیں عوام کی محبت ملتی ہے ۔

انہوںنے کہاکہ لاہور میں کنٹینرز پر جتنے لوگ چڑھے تھے ان کی شکلوں پر 2018کا فیصلہ صاف صاف پڑھا جارہا ہے کیونکہ نواز شریف پھر جیت جائیگا ۔مریم نواز نے کہاکہ مخالفین کو جہاں جگہ جگہ رسوائی ہورہی ہے انہوںنے اس کا بدلہ پارلیمنٹ کو گالی دیکر لیا ۔اس موقع پر مریم نواز نے سوال کیا کہ پارلیمنٹ کو گالی کس کو گالی ہے پارلیمنٹ میں جانے کیلئے ووٹ کون دیتا ہے پھر گالی کس کو دی ہے اس موقع پر نعرے لگائے گئے گالی ووٹ کو دی ہے ،ْشکست کیوں نہ تمہارا مقدر بنے آپ نے پچھلے چار سال میں کیا کیا ہے ۔

مریم نواز نے کہاکہ نوازشریف بجلی کار خانے لگا رہا تو تم کنٹینر پر چڑھ کر گالیاں دے رہا ،ْ موٹر وے بنا رہا تھا ،ْ سی پیک بنا رہا تھا ،ْ تو کنٹینر پر چڑھ کر گالیاں دے رہے تھے ۔مریم نواز نے کہاکہ اگر پانچ سالوں میں کوئی کام کیا ہوتا تو آج آپ کو امپائر کی انگلی کا سہارا نہ لینا پڑتا ،ْآپ امپائر کی بیساکھیوں کے بجائے عوام کے سہارے کھڑے ہوتے ،ْ آپ نے کام کیا ہوتا تو ان لوگوں کو ہاتھ نہ ملانا پڑتا جن کو چور ڈاکو کہتے رہے ہو ،ْ سب سے بڑی بیماری کہتے رہے ،ْ کام کیا ہوتا تو ذلت آمیز شکست نہ ہوتی ۔انہوںنے کہاکہ آپ نوازشریف سے نا انصافی ہونے والی کا بدلہ لیں گے ،ْ 2018کے الیکشن میں نواز شریف سے ہونے والی زیادتی کابدلہ لوگے ،ْ جس پر عوام نے انشاء اللہ کے نعرے لگائے ۔

متعلقہ عنوان :