نقیب فیس بک سٹار بننا چاہتا تھا،فیشن اور لباس پر زیادہ خرچ کرتا تھا ،قتل ہونے والے نقیب محسود کے بھائی شیر عالم کی گفتگو

مقدس فاروق اعوان ہفتہ 20 جنوری 2018 15:27

(اردو پوائنٹ تازہ اخبار 20جنوری2018) کراچی میں پولیس مقابلے میں قتل ہونے والے نقیب اللہ محسود کے بھائی کا کہنا تھا کہ نقیب اللہ فیس بک سٹار بننا چاہتا تھا،وہ لباس اور فیشن پر زیادہ خرچہ کرتا تھا،نقیب محسود کے بھائی شیر عالم کا کہنا تھا کہ میرا بھائی بے گناہ ہے وہ کراچی میں پچیس ہزار روپے کی نوکری کرتا تھا۔ شیر عالم کا کہنا تھا کہ میرے بھائی کے قاتلوں کو سر عام سزا دی جائے۔

(جاری ہے)

اور ہمیں انصاف دیا جائے دوسری جانب نقیب کے قتل کے بعد راؤ انوار کے گرد بھی گھیرا تنگ کر دیا گیا ہے اور ان کو ایس ایس پی ملیر کے عہدے سے بھی ہٹا دیا گیا ہے۔یاد رہے کہ نقیب اللہ محسود جس کا تعلق جنوبی وزیر ستان سے تھا،کراچی میں ایک پولیس مقابلے میں مارا گیا ۔لیکن نقیب کے قتل کے بعد سوشل میڈیا پر ایک بحث چھڑ گئی اور کہا گیا کہ نقیب کو نا حق قتل کیا گیا اور وہ بے گناہ تھاجب کہ انصاف کے حصول کے لئے کراچی کے مختلف علاقوں میں احتاج بھی کیا گیا۔

Facebook Twitter Google + Share on Whatsapp

نقیب فیس بک سٹار بننا چاہتا تھا،فیشن اور لباس پر زیادہ خرچ کرتا تھا ،قتل ہونے والے نقیب محسود کے بھائی شیر عالم کی گفتگو

مزید اہم خبریں