مس ورلڈ مانوشی چھیلر کو اپنی فلم میں کام کرنے کی آفر نہیں کی ،کرن جوہر

ممبئی (اُردو پوائنٹ اخبارتازہ ترین - آن لائن۔ 20 جنوری2018ء) گزشتہ برس دنیا کی حسین ترین خاتون کا تاج سر پر سجا نے والی مانوشی چھیلر کو بالی ووڈ میں پہلا بریک دینے کی خبروں پر ہدایت کار کرن جوہر نے خاموشی توڑ دی ہے۔بھارت کی 20 سالہ حسینہ مانوشی چھیلر نے جب سیمس ورلڈ کااعزاز حاصل کیا ہے تب سے بالی ووڈ میں ان کی خوبصورتی کی دھوم مچی ہوئی ہیاور فلم انڈسٹری کے ہدایت کاروپروڈیوسرز نے ان کے بارے میں معلومات حاصل کرنی شروع کردی ہیں یہاں تک کہ انہیں کئی فلمسازوں کی جانب سے فلموں میں کام کرنے کی پیشکش بھی کردی گئی ہے۔

کچھ عرصہ قبل میڈیا میں خبریں گردش کررہی تھیں کہ ہدایت کارکرن جوہر نیمانوشی کی خوبصورتی سے متاثر ہوکر انہیں اپنی فلم اسٹوڈنٹ آف دی ایئر2میں کام کرنے کی پیشکش کی ہے۔

(جاری ہے)

تاہم کرن یا مانوشی چھیلر کی جانب سے ان خبروں کی تصدیق نہیں کی گئی تھی، جب افواہیں حد سے زیادہ بڑھیں تو کرن کو سامنے آنا ہی پڑا اور انہوں نے مانوشی کو اپنی فلم میں لینے کی تردید کرتے ہوئے بیان دیا ہے کہ اس خبرمیں کوئی صداقت نہیں کہ میں مانوشی کو اپنی فلم میں لانچ کررہا ہوں۔

کرن نے کہا مانوشی چھیلر نے مس ورلڈ کا ٹائٹل جیت کر جوکامیابی حاصل کی ہے میں اس کی بہت عزت کرتا ہوں، میں مانوشی کو ان کے مس ورلڈ کا اعزاز جیتنے سے پہلیسے جانتا ہوں۔ مس ورلڈ بننے سے پہلے مانوشی نے جس شو میں شرکت کی تھی میں اس کا میزبان تھا اور میں نے اسی وقت دیکھ لیا تھا کہ وہ بہت باصلاحیت لڑکی ہے۔ بعد ازاں مانوشی کے مس ورلڈبننے کے بعد مجھے اس سے ملنے کا موقع ہی نہیں ملا لہذا مجھے سمجھ نہیں آرہا کہ میڈیا کیوں غلط افواہیں پھیلا رہا ہے۔ کرن نے کہامانوشی میری فلم میں کام نہیں کررہیں اور نہ ہی میں انہیں لانچ کرنے والا ہوں۔۔