قومی اسمبلی کے اسپیکر نے نقیب اللہ قتل کیس کی رپورٹ طلب کرلی

جمعہ 19 جنوری 2018 22:10

اسلام آباد (اُردو پوائنٹ اخبارتازہ ترین - این این آئی۔ 19 جنوری2018ء) قومی اسمبلی کے اجلاس میں اسپیکر قومی اسمبلی ایاز صادق نے کراچی میں مبینہ پولیس مقابلے میں مارے گئے نقیب اللہ کی رپورٹ طلب کرلی۔

(جاری ہے)

جمعہ کو اسپیکر نے وزارت انسانی حقوق کو ہدایت کی کہ آئندہ ہفتے پولیس مقابلے کی تفصیلی رپورٹ پیش کی جائے، اسپیکر نے نقیب اللہ قتل رپورٹ کے ساتھ لاپتہ افراد کی تفصیلات بھی شامل کرنے کی ہدایت کی گئی۔ذرائع کے مطابق فاٹا کے رکن حاجی شاہ جی گل آفریدی نے نقیب اللہ کا معاملہ اٹھایا تھا۔شاہ جی گل آفریدی نے کہا کہ کراچی میں قبائلیوں کے ساتھ ہونے والے واقعات کی تفصیلات دی جائیں جبکہ خواجہ سہیل منصور نے کہا کہ کراچی میں لاپتہ افراد کی تفصیلات بھی سامنے لائی جائیں۔