خورشید شاہ نےقومی اسمبلی میں پاکستان مخالف نعرہ لگادیا،تحریک انصاف کا الزام

جمعرات 18 جنوری 2018 18:12

اسلام آباد(اُردو پوائنٹ اخبارتازہ ترین - آئی این پی۔ 18 جنوری2018ء) قومی اسمبلی کے اجلاس میں تحریک انصاف کے رکن شہریار آفریدی نے اپوزیشن لیڈر سید خورشید شاہ پر پاکستان مخالف نعرے کا الزام لگا دیا۔

(جاری ہے)

جمعرات کو قومی اسمبلی کے اجلاس میں چیئرمین تحریک انصاف عمران خان اور عوامی مسلم لیگ کے سربراہ شیخ رشید کی جانب سے پارلیمنٹ پر لعنت بھیجنے کے بیان پر اپوزیشن لیڈر سید خورشید شاہ نے جذباتی تقریر کی،جس کے اختتام پر ایوان میں موجود تحریک انصاف کے رکن شہریار آفریدی نے ڈپٹی سپیکر مرتضیٰ جاوید عباسی کو مخاطب کرتے ہوئے کہا کہ سپیکر صاحب اپوزیشن لیڈر نے اپنی تقریر میں پاکستان مخالف نعرہ لگایا ہے،اپ نے کی تقریر کی ریکارڈنگ نکال لیں خورشید شاہ نے فرط جذبات میں پاکستان مخالف نعرہ لگا دیا ہے، میں اپنا فرض سمجھتا تھا اسلئے نشاندہی کر دی اس کو ایوان کے ریکارڈ کا حصہ نہ بنایا جائے۔