اسرائیلی حملوں کا جواب دینے کے لیے تیار ہیں، لبنان

جمعرات 18 جنوری 2018 12:40

بیروت ۔ (اُردو پوائنٹ اخبارتازہ ترین - اے پی پی۔ 18 جنوری2018ء) لبنانی مسلح افواج کے سربراہ جنرل جوزف آون نے کہا ہے کہ ہم اسرائیلی حملوں کا جواب دینے کے لیے تیار ہیں۔

(جاری ہے)

لبنان کے نشریاتی ادارے کے مطابق بیروت میں مسلح افواج کے سربراہ نے مختلف مختلف ممالک کے لبنان میں فوجی مشنز پر مشتمل وفد سے ملاقات میں "اسرائیل سے خطرات" اور دہشت گرد تنظیم داعش کے خلاف گزشتہ برس سر انجام دیئے گئی"کوہساروںکی صبح" نامی آپریشن کے بارے میں آگاہی دیتے ہوئے کہا کہ 2006ء میں اسرائیل اور حزب اللہ کے درمیان 34 دنوں تک جاری رہنے والی جنگ کے حوالے سے اقوام متحدہ کی سلامتی کونسل کی قرار داد پر عمل درآمد کے لیے کوششیں کی جا رہی ہیں۔

انہوں نے کہا کہ ہم جنوبی سرحدوں پر اقوام متحدہ کی امن فورس اور اس کی 1701 نمبر قرار داد کے ساتھ روابط کو فروغ دے کر استحکام کے لیے کوشاں ہیں، علاوہ ازیں ہم اسرائیل سے کسی بھی ممکنہ حملے کا جواب دینے کے لیے تیار ہیں۔

Facebook Twitter Google + Share on Whatsapp

اسرائیلی حملوں کا جواب دینے کے لیے تیار ہیں، لبنان

مزید بین الاقوامی خبریں