پنجاب میں رول آف لاء نہیں حکومتیں انصاف نہیں کرتیں تو عوام باہر نکل آتے ہیں‘سینیٹررحمن ملک

لاہور(اُردو پوائنٹ اخبارتازہ ترین - آئی این پی۔ 17 جنوری2018ء) پاکستان پیپلزپارٹی کے سینیٹررحمن ملک نے کہا ہے کہ پنجاب میں رول آف لاء نہیں جب حکومتیں انصاف نہیں کرتیں تو عوام باہر نکل آتے ہیں‘ زیادہ تر سیاستدان پیپلز پارٹی کے ہی تیار شدہ ہیں، عمران خان اگر شاہ محمود قریشی ، فردوس عاشق کیساتھ بیٹھ سکتے ہیں تو زرداری کیساتھ کیوں نہیں،پنجاب میں رول آف لاء نہیں ،جب حکومتیں انصاف نہیں کرتیں تو عوام باہر نکل آتے ہیں۔

بلاول ہائوس لاہور کے باہر میڈیا سے گفتگو کرتے ہوئے انہوں نے کہا کہ ہماری کوئی انا نہیں ، ہماری انا عوام ہیںپیپلز پارٹی ہمیشہ عوام کے فائدے کیلئے آگے بڑھتی ہے ۔زیادہ تر سیاستدان پیپلز پارٹی کے ہی تیار شدہ ہیں اور تحریک انصاف میں زیادہ تر تعداد پیپلز پارٹی والوں کی ہے ، عمران خان اگر شاہ محمود قریشی ، فردوس عاشق اعوان کے ساتھ بیٹھ سکتے ہیں تو زرداری کیساتھ کیوں نہیں۔

(جاری ہے)

پیپلز پارٹی بھرپور انداز میں احتجاج میں شرکت کررہی ہے اور آج کے دورے کے بڑے سیاسی گرو آصف علی زرداری ہیں۔اگر کسی کو ہمارے جانے سے مسئلہ ہے تو انہیں ہے ہمیں نہیں۔ انہوں نے کہا کہ پنجاب میں رول آف لاء نہیں ہے، جب حکومتیں انصاف نہیں کرتیں تو عوام باہر نکل آتے ہیں،جو زینب کے ساتھ ہوا وہ پوری قوم کیساتھ ہوا ہے، ایسے مجرم کو سرعام پھانسی دینے چاہیے ۔ انصاف نہیں دیا جاتا تو پھر دوسرے لائحہ عمل کا اعلان کریں گے۔