آصف زرداری کا مردان میں چار سالہ معصوم بچیکے زیادتی کے بعد سفاکانہ قتل پر شدید غم و غصے کا اظہار

معصوم بچوں سے زیادتی اور ان کا سفاکانہ قتل ناقابل برداشت اور ناقابل معافی جرم ہے، اس طرح کے بڑھتے ہوئے شرمناک واقعے باعث تشویش ہیں، ایسے واقعات کی روک تھام کے لئے سخت اقدامات اٹھانے ہوں گے،سابق صدر

بدھ 17 جنوری 2018 18:57

آصف زرداری کا مردان میں چار سالہ معصوم بچیکے زیادتی کے بعد سفاکانہ ..

اسلام آباد (اُردو پوائنٹ اخبارتازہ ترین - آئی این پی۔ 17 جنوری2018ء) سابق صدرپاکستان اور پاکستان پیپلزپارٹی پارلیمنٹیرین کے صدر آصف علی زرداری نے مردان میں چار سالہ معصوم بچی عاصمہ کا زیادتی کے بعد سفاکانہ قتل پر شدید غم و غصے کا اظہار کرتے ہوئے کہ معصوم بچوں سے زیادتی اور ان کا سفاکانہ قتل ناقابل برداشت اور ناقابل معافی جرم ہے۔ انہوں نے کہا اس طرح کے بڑھتے ہوئے شرمناک واقعے باعث تشویش ہیں۔

ایسے واقعات کی روک تھام کے لئے سخت اقدامات اٹھانے ہوں گے۔

(جاری ہے)

معصوم بچی عاصمہ کے والدین سے ہمدردی اور افسوس کا اظہا کرتے ہوئے کہا کہ آپ کا صدمہ پوری قوم کا صدمہ ہے۔ وحشی درندے نہ قانون کی گرفت سے بچ سکتے ہیں نہ قدرت کے عذاب سے۔ آصف علی زرداری نے پارٹی عہدیداروں اور کارکنوں کو ہدایت کی ہے کہ وہ زیادتی کا شکار عاصمہ کے والدین کی ہر طرح کی اخلاقی، قانونی مدد کریں۔ آصف علی زرداری نے اس بات پر حیرت کا اظہار کیا کہ کے پی کی حکومت نے متاثرہ خاندان تک رسائی تک نہیں کی۔ انہوں نے کے پی کی حکومت سے کہا کہ وہ فوری طور پر واقعے کے مجرم کو انصاف کے کٹہرے میں لاکر سخت سے سخت سزا دی جائے۔