سعودی عرب ہمارا سچا دوست اور برادر اسلامی ملک ہے ،ہر پاکستانی سعودی عرب کا اپنا دوسرا گھر سمجھتا ہے ،
دونوں ممالک ایک دوسرے کے ساتھ دینی، ثقافتی اور اقتصادی رشتوں میں جڑے ہوئے ہیں جس سے دونوں ممالک کے تعلقات کو نئی جہت ملتی ہے، پاکستان سرمایہ کاری کے لحاظ سے بہترین ملک ہے ،سعودی سرمایہ کار انرجی، تعمیرات اور زراعت کے شعبوں میں سرمایہ کاری سے استفادہ کر سکتے ہیں صدر ممنون حسین کی سعودی عرب کے وزیر تجارت وسرمایہ کاری کے وفد سے ملاقات میںگفتگو
بدھ 17 جنوری 2018 17:40
(جاری ہے)
یہ اعلی سطحی وفد پاک سعودی جوائنٹ وزرا کمیشن کے گیارہویں اجلاس میں شرکت کے لیے پاکستان کے دورے پر ہے ۔
صدر مملکت نے کہا کہ پاکستان اور سعودی عرب کے تعلقات خصوصی اہمیت کے حامل ہیں اور دونوں ممالک کے درمیان اعتماد اور محبت کا شاندار رشتہ قائم ہے جو دیگر دنیا کے لیے مثال کی حیثیت رکھتا ہے۔ صدر مملکت نے دونوں برادر ممالک کے درمیان زندگی کے مختلف شعبوں میں تعاون جاری ہے جس میں اضافے کیلیے مسلسل کام کی ضرورت ہے۔ انھوں نے کہا کہ دونوں ممالک کے درمیان تجارتی حجم کم ہے جسے مزید بڑھانے کی ضرورت ہے۔ انھوں نے کہا کہ دونوں ممالک کے سرمایہ کاروں کے درمیان ملاقاتوں کا سلسلہ باقاعدگی سے جاری رہنا چاہے ۔ اس سے سرمایہ کاری کی نئی راہیں کھلیں گی اور دونوں ممالک کے عوام اور حکومتی سطح پر تعلقات کو فروغ ملے گا۔ انھوں نے کہا کہ پاکستان سعودی عرب کے وژن 2030 کی پالیسی بڑی اہمیت کی حامل ہے اور یہ سعودی عرب کی معیشت کو مستقبل میں مزید مستحکم کرنے میں بڑا اہم کردار ادا کرے گی۔ صدر مملکت نے کہا کہ پاکستان سرمایہ کاری کے لحاظ سے بہترین ملک ہے ۔سعودی سرمایہ کار انرجی، تعمیرات اور زراعت کے شعبوں میں سرمایہ کاری سے استفادہ کر سکتے ہیں۔صدر مملکت نے اپنے گزشتہ سعودی عرب کے دورے کا ذکر کرتے ہوئے کہا کہ دورے میں سعودی عرب کے بادشاہ سلمان بن عبدالعزیز السعود سے ملاقات ہوئی تھی جس میں دوطرفہ تعلقات پر بات چیت ہوئی جو بہت مفید رہی۔ انھوں نے کہا کہ سعودی عرب میں اس وقت تقریبا 26 لاکھ پاکستانی افراد رہائش پذیر ہیں اور وہ سعودی عرب کو اپنا دوسرا ملک سمجھتے ہیں ۔ انھوں نے کہا کہ یہ افراد سعودی عرب کی معاشی ترقی میں اپنا حصہ ڈال رہے ہیں اور دونوں ممالک کے درمیان ایک پل کا کردار ادا کر رہے ہیں۔ انھوں نیخادم الحرمین شریفین سلمان بن عبدالعزیز السعود کا پاکستانی کمیونٹی کا خیال رکھنے پر شکریہ ادا کیا ۔سعودی عرب کے وزیر تجارت و سرمایہ کاری ڈاکٹر ماجد الکسابی نے بتا یا کہ کونسل کے اجلاس میں بہت اہم فیصلے ہوئے ہیں جو دور رس اثرات کے حامل ہوں گے۔متعلقہ عنوان :
مزید اہم خبریں
-
زرمبادلہ ذخائر میں مزید اضافہ ہو گیا
-
سگریٹ کو مزید مہنگا کرکے نوجوانوں کو تمباکو نوشی سے دوررکھا جاسکتا ہے
-
وفاقی حکومت نے کابینہ کی ای سی ایل کمیٹی کی تشکیل نو کردی
-
سندھ حکومت کا آئندہ ہفتے 2 تعطیلات کا اعلان
-
حکومت اور جماعتوں کو مل کرخفیہ ایجنسیوں کی سیاست میں مداخلت کوروکنا چاہیے
-
افغانستان میں جنگی جرائم کی تحقیقات، برطانوی وزیرکو سزا ملنے کا امکان
-
کیا ترکی شامی پناہ گزینوں کی غیر قانونی ملک بدری کررہا ہے؟
-
عدلیہ میں کسی قسم کی مداخلت برداشت نہیں ہوگی
-
جون سے فیز وائز پلاسٹک بیگز کو بین کردیاجائیگا‘مریم اورنگزیب
-
عمران خان سمیت اڈیالہ جیل کے تمام قیدیوں سے ملاقاتوں پرپابندی ختم
-
رانا مشعود احمد خان اور ڈاکٹرمختار بھرت وزیراعظم کے کوآرڈینیٹر مقرر
-
وفاقی وزیر داخلہ محسن نقوی کاایک روزہ دورہ پشاور،کمانڈنٹ ایف سی نے ائرپورٹ پراستقبال کیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.